Educación vial para os nenos e nenas de Salceda de Caselas

O Concello de Salceda, a través das Concellarías de Tráfico e Ensino, ven de poñer en marcha a quinta edición das Xornadas de Educación Vial, en colaboración coa DXT, que se iniciou hoxe martes 24 de abril. Tralo éxito acadado nas anteriores edicións, a experiencia volve a Salceda neste 2018. As xornadas están dirixidas aos escolares do municipio de 1º e 2º de Educación Primaria, que reciben formación teórica e práctica en materias de educación vial.

Na parte teórica, que se celebrou o pasado venres, ofrecéuselle ao alumnado unha sesión sobre os principais conceptos de seguridade infantil. Entre hoxe martes e mañá mércores os alumnos e as alumnas acceden a un circuito no que poñen en práctica os conceptos adquiridos na formación teórica. O circuito está dirixido polos membros da Policía Local de Salceda, que lles dan aos cativos as instruccións precisas para unha correcta circulación pola vía pública, tanto dende o punto de vista dos conductores, que o fan en bicicletas e monopatíns, como dos peóns.

Másnoticias

La Deputación destaca las actuaciones clave en estos 15 concellos del sur de la provincia de Pontevedra

20/11/2024

Vino y picoteo en la gran "Ruta das Bodegas" de Salceda

16/11/2024

Máis de 200 escolares pasarán polas xornadas, co obxectivo de concienciar, como unha importante vía para chegar aos pais e nais, en todo o relacionado coas boas prácticas nas vías públicas. Os nenos e nenas reciben ademáis agasallos conmemorativos do seu paso polas xornadas.

Jose Luis González, Concelleiro de Tráfico: “afrontamos esta proposta como unha iniciativa fundamental para a concienciación de pequenos e maiores. Moitas veces a frase que un neno lle diga ao seu pai ou á súa nai ten máis efecto que calquera campaña que se presente dirixida aos adultos. A prevención resulta fundamental para a disminución de accidentes nas estradas, e esta parécenos unha forma axeitada de facelo”.