A Axencia de Colocación de Mos acollerá nos próximos meses un curso de creación e deseño web destinado a maiores de 16 anos. A actividade, na que profesionais cualificados impartirán coñecementos sobre o necesario para poder dedicarse a este campo, ten unha duración de 20 horas e impartirase todos os martes, do 20 de febreiro ao 24 de abril, en horario de 19.00 horas a 21.00 horas.
Este obradoiro, que se engloba dentro da oferta de cursos do Concello no ano 2018, está especialmente enfocado para a formación sobre comunicación dixital e a inscrición estará aberta até o día 15 de febreiro.
Para anotarse é necesario acudir ao Multiusos das Pozas ou dirixir ao teléfono 986.339.404 ou ao enderezo de correo electrónico omix@concellomos.es.
