A Miteu enche de teatro, música e humor a cidade de Ourense

Desde este mércores pola noite, os escenarios da cidade acollen a celebración da XXX Mostra Internacional de Teatro Universitario de Ourense (Miteu). Con teatro, música e humor botou a andar esta semana unha edición na que as aulas de teatro da Universidade de Vigo, unha das entidades que financia a actividade, volven a ter un papel destacado.

A Miteu levantou o pano o mércores no Teatro Principal coa obra El show de Ignatius Farray, de Teatro del Barrio. Xa o xoves, a praza de San Martiño e rúas próximas acolleron o espectáculo Visións panorámicas, no que participaron diferentes grupos dos campus de Ourense, concretamente o seu coro, a súa aula de danza, o seu grupo de música tradicional galega e a aula de teatro Rosaura. Elas e eles uníronse para representar “un cumio político de 14 países elixidos ao azar e coa meta común de supervivencia no mundo”. Ademais, o Teatro Principal foi o escenario elixido para representar a obra Voilà, da Aula de Teatro da USC-Lugo, e o Liceo o concerto Pava, de Lucía Aldao.

Másnoticias

Vino y un paisaje espectacular en una asombrosa fiesta a 40 minutos de Vigo

29/04/2025

Hallan tres muertos en una casa de la provincia de Ourense por una posible intoxicación de monóxido

29/04/2025

Este venres será a queda da Aula Universitaria de Ourense Cordelia, que representará ás 20:00 horas no Teatro Principal Shock. Baixo a dirección de Fina Calleja, a aula toma como base o texto de Caryll Chruchill Amor e información para “indagar ao redor do impacto das novas tecnoloxías, a tolemia do home alienado e a desesperación polo encontro humano”.

Moito por ver

A XXX Mostra Internacional de Teatro Universitario de Ourense está organizada por Sarabela Teatro, dirixida por Fernando Dacosta e conta co apoio da Universidade de Vigo, a Deputación de Ourense, a secretaría xeral de Cultura da Xunta de Galicia, o Teatro Principal, o Liceo e Cervexas Esmorga. Este ano ten lugar do 23 de abril ao 10 de maio, sendo o lema escollido 30 anos de Miteu …desculpen as molestias! En total, a Miteu traerá á cidade 19 espectáculos de teatro de sala e de rúa, de música e de danza. Tamén haberá coloquios, encontros, un obradoiro e unha exposición, sumando en total arredor de 210 participantes. Estarán 13 grupos universitarios (entre eles os de todos os campus galegos) e seis profesionais, con representación de México, Portugal, Dinamarca, Guinea Ecuatorial e Gambia, ademais de España. Unha vez máis os temas sociais terán un peso importante nos espectáculos, abordándose neles cuestións como a violencia de xénero, o racismo e a preocupación polo auxe dos extremismos.

Nesta edición participan as catro aulas de teatro da Universidade de Vigo e os grupos de danza, música tradicional e coro do campus de Ourense. Este campus tamén é o espazo no que se desenvolverán algunhas das actividades da Miteu. Así, ademais das xa citadas actuacións de Rosaura e Cordelia, o xoves 8, ás 20:00 horas, o Teatro Principal acollerá as 14ª Xornadas de Danza, nas que estarán compañías da Universidade de Santiago de Compostela (Lugo), Universidade da Coruña (A Coruña), Universidade de Vigo (Ourense) e A Casa Vella. O sábado día 10 será, ás 20:00 horas no Teatro Principal, a clausura da mostra coa entrega de premios e coa estrea da última produción da Aula Universitaria de Ourense Maricastaña. Trátase da obra Ludovico 2.5. Por último, da Universidade de Vigo tamén actuará o martes 29, ás 20:00 horas, a Aula de Teatro de Pontevedra, que representará no Teatro Principal Saxo tenor, e o mércores 30, ás 21:30 horaas no Liceo, a Aula de Teatro de Vigo, que traerá ao público o seu espectáculo Divinas palabras.

O campus de Ourense acollerá ademais o luns 28, ás 20:30 horas, a obra Unha Eva e un Adán, de GrahØjdans (Dinamarca), que terá lugar na antiga capela e será un dos pratos fortes desta edición, xunto con Teatro del Barrio. Ademais, nas instalacións universitaria celebrarase o 3 e 4 de maio o obradoiro da Miteu Creación do Corpo Reflexivo, impartido por Russo Nmandong, de Guinea Ecuatorial.