Adega pide prohibir o eucalipto “nitens” en Galicia

A prohibición do denominado “eucalyptus nitens” en Galicia é unha das demandas que ADEGA presentou ante un grupo de deputados do Parlamento Europeo o pasado 7 de decembro. A petición produciuse no marco das xornadas "Defensa do patrimonio galego fronte á eucaliptización" organizadas polo grupo GUE/NGL do Parlamento Europeo xunto a outras 17 organizacións.

Pode interesarche: Causas e interrogantes do domingo negro en Galicia

Másnoticias

“Os terroristas son os que non fan cumprir a normativa”

Os eucaliptos ocupan o 28% da superficie arborada de Galicia, segundo o inventario da UVigo e a USC

02/06/2023

Un informe señala que el Camino de Santiago lo hacen más mujeres que hombres

El Parlamento Europeo pide crear un bono de viaje para que los jóvenes descubran los Caminos de Santiago

14/12/2022

“Ante a desfeita da industria do eucalipto”, a organización ecoloxista galega pide aplicar o principio de precaución ante esta especie “perigosa para a biodiversidade e funcionalidade dos ecosistemas”. Adega lembra que o Comité Científico do Ministerio de Medio Ambiente como unha “especie exótica en expansión, con alto risco de invasión”.

Amais desta petición, a ONG solicita unha moratoria para novos plantíos de eucalipto “como xa se fixo en Portugal, país onde ocupa menos do 9% da superficie, fronte ao 17% de Galicia”. Por último, demandan o cumprimento da lexislación de montes para perseguir as plantacións ilegais e as talas do bosque autóctono.

Pode interesarche: “Os terroristas son os que non fan cumprir a normativa”

Segundo os ecoloxistas, a expansión desta especie invasora está a reducir a biodiversidade do bosque galego creando “uniformidade” ocupando máis de 500.000 hectáreas. Segundo explican, recorrendo ao Inventario Forestal Estatal de 2009, os eucaliptos arden 3,55 veces máis que os carballo e demais frondosas.