“Baiona non recibirá finalmente os 2,1 millóns de euros de fondos europeos para o noso casco histórico”. Isto é o que "lamenta" o actual alcalde en funcións do Concello de Baiona, o socialista Carlos Gómez Prado.
O Concello de Baiona tiña o visto bo para este "Plan de Sostenibilidad Turística en Destinos" do Ministerio de Industria, que lle concedeu 76 puntos, e a Fegamp (72 puntos). “A Xunta decidiu concedernos 63 puntos, por debaixo dos 70 puntos mínimos para a aprobación do proxecto”, critica Gómez Prado.
“Esta decisión demostra que á Xunta do PP non lle importa Baiona e funciona só por intereses partidistas, botando abaixo un proxecto polo único motivo de que non o impulsou un goberno local do PP e perxudicando a un concello galego", engade.
Gómez Prado considera que “debe ser o señor Almuiña o que explique por que a Xunta tomou esta decisión, en contra dos intereses de todos os veciños e veciñas de Baiona”.
‘Preservar o pasado, protexer o futuro: Baiona, patrimonio sostible’ era o nome do proxecto, co que o concello optaba a 2,1 millóns de euros “para revitalizar o casco histórico, poñer en valor o seu patrimonio, dixitalizalo e mellorar os seus servizos".
O concello optaba a esta convocatoria, aberta polo Ministerio de Industria, Comercio e Turismo con fondos europeos, “para darlle continuidade ao proxecto co que fumos o primeiro municipio do Val Miñor en obter fondos Next Generation, destinado a humanizar a contorna de Santa Liberata, entre outras accións”, remata Gómez Prado.
Ata o 5 de abril estará aberto o período de preinscrición na Escola Infantil do campus de Pontevedra, que contará con catro aulas e 51 prazas
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL