O BNG de Vigo alertou este martes da situación de sobrecarga que atravesan as ambulancias do 061 na cidade. O concelleiro Xabier Pérez Igrexas explicou que as dotacións que xa eran de partida insuficientes para atender a poboación da principal cidade galega non foron debidamente reforzadas diante da crise sanitaria do coronavirus.

Igrexas expresou a súa preocupación polas consecuencias que a insuficiencias de medios para a atención de emerxencias sanitarias poida ter. Nese sentido, puxo o foco en que o feito de que as mesmas ambulancias teñan visto duplicada a súa carga de servizos por causa do coronavirus, estaría a comprometer a debida rapidez na asistencia de patoloxías graves e tempo-dependentes como son os infartos ou ictus.

Másnoticias

La justicia da la razón a Augas de Galicia frente al Concello de Vigo por la gestión de Eiras

Caballero culpa a la Xunta de no cambiar las válvulas de la presa de Eiras

12/11/2025

Una nueva marca nacional inaugura su primera tienda en Vigo con famosas como Clara Lago o Malena Costa

12/11/2025

“Sen máis medios, estanse alargando perigosamente os tempos de resposta para atender problemas nos que a rapidez é clave. Nesta situación hai pacientes que están a achegarse aos centros hospitalarios cos seus propios medios ou chegan máis tarde do que se debera” alertou o portavoz municipal nacionalista.

Na cidade de Vigo continúan operando seis ambulancias de soporte vital básico de día e outras tres de noite xunto a ambulancia de enfermería, á que se engade unha única ambulancia de soporte vital avanzado as 24 horas para toda a cidade. Uns medios que segundo puido afirma constatar Igrexas con representantes sindicais do sector resultan claramente insuficientes, polo que instan ao seu aumento.