Denuncian que Caballero “esconde” o novo PXOM para evitar aprobalo antes das eleccións municipais

O Bloque Nacionalista Galego denuncia que o goberno de Abel Caballero “esconde” o novo Plan Xeral de Ordenación Municipal (PXOM) para evitar aprobalo antes das eleccións municipais. A fronte nacionalista alerta do risco de “colapso urbanístico” se a aprobación provisional non se produce antes do 18 de maio deixará á cidade baixo o Plan de 1993.

“Abel Caballero busca meter debaixo da alfombra un PXOM elaborado sen diálogo, sen participación e na escuridade dos despachos”, reprochou o concelleiro e candidato do BNG de Vigo, Xabier P. Igrexas, que cuestionou as reiteradas negativas do Goberno municipal a informar sobre o ditame das numerosas alegacións veciñais e dos prazos para a tramitación do novo Plan Xeral.

Másnoticias

Vigo encara el fin de semana con doble alerta amarilla por un tren de borrascas

29/10/2025

Arranca la demolición del histórico restaurante que fue la 'Capilla Sixtina' de Vigo, avanza el Barrio do Cura

29/10/2025

Desde o BNG advertiron da “enorme preocupación” que provoca a falla de respostas da concelleira María José Caride malia os requirimentos formulados polo concelleiro nacionalista na Xerencia de Urbanismo. “É innegábel a intención do goberno de Abel Caballero de atrasar a aprobación provisional para non someter ao exame electoral das viguesas e dos vigueses un Plan Xeral que sabe indefendíbel e insustentábel”, valorou Igrexas.

O edil do Bloque advertiu de que este “atraso oportunista suporá unha inseguridade xurídica sen precedentes no urbanismo da cidade”. Nese sentido, alertou de que os prazos legais obrigan á aprobación provisional do novo PXOM antes do 18 de maio para evitar que quede sen efecto o Instrumento de Ordenación Provisional, o que provocaría “o definitivo colapso urbanístico de Vigo” co retorno ao ordenamento urbanístico do ano 1993.

Comparecencia do equipo redactor

Diante desta situación, o candidato nacionalista anunciou a solicitude dunha comparecencia urxente do equipo redactor do novo Plan Xeral, nunha sesión extraordinaria e monográfica do Consello da Xerencia de Urbanismo. “É necesario que dean conta en detalle do proceso de ditame das alegacións veciñais, das correccións obrigadas polos informes sectoriais desfavorábeis e para aclarar se teñen iniciado os traballos da avaliación ambiental estratéxica”, explicou.

Sobre o proxecto de novo PXOM, Igrexas criticou que se insista nun “modelo urbanístico fracasado que reduce a cidade ao seu casco urbano central mentres castiga a dous terzos do noso territorio que representan as parroquias”.