Moaña licita un novo plan de mellora de viais co asfaltado de seis camiños por 124.000 euros

A concellaría de Obras e Servizos do Concello de Moaña vén de iniciar o proceso para asfaltar seis viarios do municipio ante o "mal estado de conservación e deterioro do pavimento". As obras están financiadas polo Plan Concellos 2020 da Deputación de Pontevedra e teñen un custe de 124.252 euros e veñen de saír a licitación pública.

O concello asfaltará o camiño do Lazareto en Tirán, o camiño da Faniequeira en Meira, o camiño da Costa en Domaio, o camiño de Fonte Bieita, o camiño de Bouza Murilla e a rúa Daniel Castelao. As obras, que comezarán no Camiño do Lazareto, prolongaranse durante un período de dous meses, despois da adxudicación. En todas as actuacións renovarase a capa de firme e se pintarán as marcas viarias.

Másnoticias

El icónico paseo junto al mar del área de Vigo que amenaza el cambio climático, según Greenpeace

23/07/2026

Investigan a un vecino de Moaña por provocar un incendio junto a varias viviendas

23/07/2026

A actuación máis complexa será a que teña lugar precisamente na primeira rúa en recibir as obras, no Camiño de Lazareto que conecta a praia co Camiño Real. Alí, debido as limitacións de gálibo do túnel que transcorre baixo a estrada PO-551 deberase fresar todo o viario. Amais, reordenarase o tráfico no tramo final da rúa, xunto ao lavadoiro e a baixada peonil á praia de Tirán co obxectivo de asegurar o acceso no verán limitando o aparcamento en ambas marxes.

Pola súa parte, no Camiño da Fanequeira, en Meira, tamén se fará unha reparación puntual no camiño da Moureira, reparando as fochancas. No caso de Daniel Castelao asfaltarase o tramo alto, no cruce coa estrada PO-511.

Camiños nos que se actuará

• Camiño do Lazareto en Tirán: superficie de 1.426,63 m²
• Camiño da Faniequeira en Meira: superficie de 1.314,68 m²
• Camiño da Costa en Domaio: superficie de 707,10 m².
• Camiño de Fonte Bieita e de Bouza Murilla: superficie de 2.544,06 m².
• Camiño da rúa Daniel Castelao: superficie de 1.329,69 m².