O BNG aposta polo "turismo desestacionalizado" dos congresos e convencións en Vigo

O Bloque Nacionalista Galego aposta en desenvolver as potencialidades de Vigo como destino MICE (Meeting, Incentives, Conferencing and Exhibitions, en inglés), revitalizando a Fundación Vigo Convention Bureau (VCB) e dinamizando os grandes espazos e auditorios cos que conta a cidade.

O concelleiro e candidato á alcaldía do BNG de Vigo, Xabier P. Igrexas, defendeu a necesidade de “reorientar o actual modelo turístico de excursionismo masificado para avanzar cara a un máis sustentábel, desestacionalizado e que xere valor engadido”. “Vigo ten un enorme potencial no ámbito do turismos de congresos, convencións feiras e exhibicións, pola nosa localización xeográfica privilexiada no eixo Atlántico, polo enorme dinamismo económico e produtivo que temos como maior cidade galega, por contarmos con auditorios e espazos de primeiro nivel e por unha traxectoria de éxito organizado grandes eventos como Conxemar ou a Mindtech”, explicou Igrexas.

Másnoticias

Las obras del futuro Centro de Asociacionismo de Vigo arrancarán "en los primeros meses de 2025"

25/11/2024

"Mostremos la fuerza de Vigo", Caballero invita a participar en el concierto reivindicativo del AVE

25/11/2024

“Fronte a quen patrocina o xa superado modelo do excursionismo masivo, que satura a cidade e ten claros impactos negativos en termos de habitabilidade e sustentabilidade da cidade, o turismo MICE ofrece importantes retornos económicos e unha proxección internacional como cidade moito máis sólida”, defende o candidato nacionalista.

Revitalizar a VCB

Desde o BNG apostan en revitalizar a Fundación Vigo Convention Bureau (VCB), como instrumento para promover a realización na nosa cidade de congresos, convencións, ferias e exhibicións e para dinamizar os grandes espazos expositivos e auditorios cos que conta Vigo.

"A VCB naceu en 2008 da man do propio BNG desde o Goberno local, co obxectivo de captar a organización de eventos nacionais e internacionais, pero desde hai máis dunha década atravesa un evidente estancamento pola falla de financiamento e de dinamización da entidade", explican dende o BNG. “Hai quen prefire vivir na súa fábula infantil de cifras imposíbeis de visitantes e retornos imaxinarios do Nadal, mentres outras cidades con menos potencial que Vigo logran referenciarse cun turismo de calidade”, lamentou Igrexas.