O Bloque Nacionalista Galego vén de reaccionar ao acordo, que se vén de trasladar a través dun comunicado de prensa, pola que Goberno municipal de Vigo decide non celebrar o tradicional acto institucional do Concello co gallo do Día Nacional de Galicia (como se denomina oficialmente) como se veu facendo ininterrompidamente, agás pola pandemia, nas últimas dúas décadas.
O Portavoz municipal do BNG de Vigo, Xabier P. Igrexas, cualificou a decisión de adiar o acto para o vindeiro mes de setembro de “novo desprezo” cara ao día grande das galegas e dos galegos. Un desprezo que imputou ao “españolismo máis casposo”.
“Alegar a celebración de eleccións xerais o 23 de xullo para postergar, sen data concreta, o acto é unha tomadura de pelo. Acaso se os comicios se celebrasen, como se prevía inicialmente, o 3 de decembro o alcalde ía pospoñer o acto institucional polo Día da Constitución a febreiro?”, afirmou. “É claro que é unha escusa cutre e ofensiva, porque ningunha outra institución decidiu postergar esta celebración”, acrecentou o edil nacionalista.
Igrexas lamenta a “degradación sectaria” á que Abel Caballero somete a actividade institucional do Concello, lembrando que o pasado ano xa foi “obscena e insultante” a utilización do acto polo 25 de xullo como un mitin partidista protagonizado pola ministra Nadia Calviño. Neste sentido, afeou tamén que a decisión do adiamento se adoptase “máis unha vez desde a unilateralidade autoritaria”, xa que “nin tan sequera se consultou á Xunta de Portavoces e os grupos municipais enterámonos por un comunicado de prensa”.
Desde a fronte nacionalista anuncian que solicitarán formalmente ao Goberno municipal que rectifique esa decisión e garanta a celebración coa dignidade que merece o acto polo “día no que celebramos con orgullo a nosa identidade como pobo e nación, o noso orgullo de sermos galegas e galegos”.
El alcalde de Vigo pide la implicación de Xunta y Diputación para financiar la ampliación de aforo de Tribuna
Vigo sumará un nuevo edificio con 20 viviendas de promoción pública. Se construirá con una técnica innovadora
La ruptura de uno de los depósitos del Puerto de Vigo ha provocado un derrame sobre el mar. Así están trabajando para controlar el vertido
La OCU sitúa el recibo del agua de Vigo como el más caro de Galicia y por encima de otras ciudades de España como Madrid, Zaragoza o Gijón
A homenaxeada é enxeñeira principal de Sistemas no Centro Espacial Goddard da NASA
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL