O BNG criticou a nova vaga de recortes asistenciais na sanidade pública en Vigo. A fronte nacionalista considera “intolerábeis” os recortes que volverán deixar a parroquia de Coruxo sen pediatra e suprimirán a atención pediátrica en horario de tarde nos centros de saúde de Navia, Coia, Lavadores e Casco Vello.
“Un verán máis a Xunta do Partido Popular castiga a cidade con recortes sanitarios. Coruxo volverá ficar sen pediatra e catro centros de saúde non terán atención pediátrica pola tarde. É intolerábel”, denunciou o concelleiro do Bloque na cidade olívica, Xabier P. Igrexas.
Igrexas considerou especialmente grave que estes recortes teñan lugar precisamente despois de tres meses de grave crise sanitaria por causa do coronavirus, durante a que se suspenderon moitas citas e non se realizaron algunhas revisións pediátricas. Ademais, o edil nacionalista, advertiu de que a redución da atención pediátrica nos centros de saúde provocará a saturación do Punto de Atención Continuada (PAC), onde malia non haber pediatra son derivadas as urxencias sen cita, ou o servizo de urxencias do hospital Álvaro Cunqueiro.
O portavoz municipal nacionalista fixo un chamamento expreso a que, de cara aos comicios galegos do vindeiro 12 de xullo, as viguesas e vigueses “defendan o seu dereito a unha sanidade pública, universal, gratuíta e de calidade”, poñendo fin á “nefasta década de Alberto Núñez Feixóo e a súa política de recortes e privatización”.
“O voto das viguesas e vigueses pode ser decisivo para facer realidade un cambio galego, que acabe cos recortes e que blinde a nosa sanidade pública, para que nunca máis volvan xogar coa nosa saúde e a das nosas crianzas”, reivindicou Igrexas sinalando que a mellor maneira de facelo é apostando polo “proxecto transformador, solvente e en positivo que encarnan Ana Pontón e o BNG”. “A cidadanía viguesa estivemos estes anos a mobilizarnos nas rúas, nun clamor case unánime, en defensa da sanidade pública. O 12 de xullo hai que levar ese clamor ás urnas”, demandou.
Abre sus puertas un nuevo "sport bar" en el centro de Vigo. Un concepto que ofrece zona de juegos con mesa de billar, futbolín y otros juegos
Vigo recibe un premio por lo que ha logrado con su Navidad. Gana así una campaña de promoción valorada en 5.000 euros
Abel Caballero destaca que entre este martes y este miércoles quedará montada la pasarela del nuevo ascensor de Juan Ramón Jiménez
Caballero lamenta que "profesores de la Universidade de Santiago vengan a dar clase a Vigo" pese a que Vigo ya dispone de universidad propia
Apunta que la UVigo se enfrenta a un reto importante como es la jubilación de decenas de docentes y la caída de la natalidad
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL