O BNG de Vigo denuncia unha nova talla "inxustificada" de árbores na Avenida Martínez Garrido

O Bloque Nacionalista Galego denuncia unha "nova talla inxustificada" de árbores en Vigo a conta das obras de humanización da Avenida Martínez Garrido. A fronte nacionalista vén de anunciar que na vindeira Comisión Informativa de Medio Ambiente do Concello, prevista para este mércores, esixirá explicacións por esta actuación así como unha rectificación da “política arboricida permanente” do goberno de Abel Caballero.

“Non podemos seguir admitindo que se retire arboredo san e de gran porte, que cumpre un papel chave para facer máis habitábel a nosa cidade, unicamente por motivos estéticos”, criticou o concelleiro do BNG en Vigo, Xabier P. Igrexas, que chamou a poñer fin aos “continuados e arbitrarios atentados naturais” do Goberno municipal do PSOE.

Másnoticias

El paraíso de Vigo recupera su normalidad total, "la mejor playa del mundo" y Figueiras son "aptas" al baño

27/07/2026

¿Preparados para el concierto de Chayanne en Vigo? El artista te enseña a bailar uno de sus éxitos

26/07/2026

Igrexas salientou que “humanizar as nosas rúas non pode ser desnaturalizalas” e lembrou que “as árbores son fundamentais no ecosistema urbano e non apenas un adorno”. Neste sentido, o edil nacionalista reiterou a necesidade de que o Goberno local aclare os motivos e xustificacións técnicas que avalan este tipo de actuacións, que se veñen repetindo durante os últimos anos en toda a cidade a pesar dunha crecente oposición veciñal. A máis recente, hai escasos días, na próxima Avenida Gregorio Espino.

“Esta política arboricida vai en contra dun desenvolvemento sustentábel da cidade, dun modelo de cidade moderna e de futuro que, en opinión do BNG, só pode ser unha cidade máis verde”, defendeu Igrexas. “Após vivir xornadas de altas temperaturas, as viguesas e os vigueses puidemos comprobar en carne propia a diferenza entre percorrermos rúas arboladas e naturalizadas e facelo por rúas de gris cemento e pedra”, destacou o concelleiro do Bloque.