Cando se cumpre un mes da retirada do pediatra de Coruxo e da supresión da atención pediátrica en horario de tarde nos centros de saúde de Navia, Coia, A Dobrada, Casco Vello e Lavadores, o Sergas vén de aplicar un novo recorte co feche dunha planta completa de pediatría no Hospital Álvaro Cunqueiro. O Bloque Nacionalista Galego criticou con dureza esta decisión e vén de reclamar que a Xunta do Partido Popular rectifique e reverta eses recortes.
O concelleiro do BNG en Vigo, Xabier P. Igrexas, denunciou que este novo recorte ten lugar apenas uns días despois das eleccións do pasado domingo e após semanas nas que a xerencia da EOXI prometera de maneira reiterada que non se ían fechar camas no Hospital Álvaro Cunqueiro.
“Desde o Bloque Nacionalista Galego esiximos unha rectificación. O BNG esixímoslle ao Partido Popular que deixe de recortar na atención sanitaria das nenas e dos nenos, que deixen de poñer en risco a saúde das nosas fillas e fillos, e que reverta de inmediato tanto o fechamento da planta do HAC como os recortes na atención primaria”, reclamou Igrexas.
Aliás, o edil nacionalista advertiu de que a redución da atención pediátrica nos centros de saúde provocará a saturación do Punto de Atención Continuada (PAC), onde malia non haber pediatra son derivadas as urxencias sen cita, ou o servizo de urxencias do hospital Álvaro Cunqueiro. “Con estes recortes Feixóo vén de decretar que as crianzas de Vigo e a súa área non poden enfermar durante o verán. É intolerábel”, afirmou .
O portavoz municipal nacionalista subliñou a gravidade destas decisións lembrando que nos atopamos nun contexto de “pandemia pola COVID19 que inda non superamos e cheo de incertezas e riscos a nivel sanitario”. “Non podemos aturar e non imos permitir que se poña en risco a saúde da poboación infantil da área sanitaria de Vigo”, remachou.
La aerolínea Vueling lanza una nueva oferta exprés con vuelos desde 12 euros desde los aeropuertos de Galicia y Oporto. ¡Estos son los destinos!
La cadena que se popularizó por ofrecer solo 200 hamburguesas al día llegará a Vigo. Su 'american style' es tendencia en redes sociales
Rueda señala que los chiringuitos de playa en Galicia podrán abrir sin interrupción desde Semana Santa hasta Halloween
Abre en el CC Gran Vía Padthaiwok, el restaurante que destaca por su concepto gastro y que ofrecerá degustaciones gratis estos dos días
Con sede no campus de Pontevedra e seguimento presencial e virtual
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL