O BNG denuncia o “colapso” no hospital de día de oncoloxía do Álvaro Cunqueiro

O Bloque Nacionalista Galego denuncia o “colapso” do hospital de día de oncoloxía do Álvaro Cunqueiro. A fronte nacionalista vén de rexistrar iniciativas no Parlamento galego reclamando á Xunta que reforce de inmediato o servizo para poñer fin "ás demoras na atención e para evitar que as persoas doentes sexan enviadas de volta aos seus domicilios sen recibir os tratamentos de quimioterapia".

“Esta situación está saíndo á luz pública pola valentía das persoas doentes que se atreven a denunciar este colapso, a pesares da vulnerabilidade na que se atopan debido á gravidade da súa doenza”, destacou a deputada e portavoz de Sanidade do BNG no Parlamento galego, Montse Prado.

Másnoticias

Pepco, el "Primark polaco", anuncia la apertura de una nueva tienda en Vigo

08/09/2025

Un nuevo espacio creativo abrirá en pleno centro de Vigo con una inauguración por todo lo alto

08/09/2025

Prado criticou a “falla de planificación” da Xunta do PP lembrando que, na última década, aumentou más dun 11% a demanda deste servizo. Así, algunhas xornadas chegan a ser 50 as persoas atendidas no hospital de día de oncoloxía, "moi por riba das ratios para o persoal dispoñíbel", sinalan para engadir que "en lugar de 7 doentes por cada profesional de enfermería, como está recomendado, nalgúns momentos atenden até 18 persoas por enfermeira ou enfermeiro".

A portavoz de Sanidade do Bloque insta ao Goberno galego a dimensionar canto antes o hospital de día oncolóxico do Álvaro Cunqueiro de Vigo, tanto nas ratios de persoal-doentes como no espazo dispoñíbel, para poder dar resposta á demanda existente e evitar que se sigan repetindo estas demoras na atención.

De por parte, o portavoz municipal do BNG de Vigo, Xabier P. Igrexas, inscribiu a "situación inadmisíbel que se vive no hospital de día de oncoloxía" como un dos exemplos "máis duros e inxustos" da política sanitaria do PP. "Mentras o PP entrega cada ano centos de millóns de euros públicos ás empresas amigas da sanidade privada, persoas enfermas de cancro son devoltas a casa sen recibiren tratamento", denunciou.