O BNG lamenta que o PP xoga coas institucións de Vigo como “pendellos para apoltronar cargos”

O Bloque Nacionalista Galego vén de "esixir" ao Partido Popular que deixe de "xogar coas institucións" de Vigo como os seus “pendellos para apoltronar cargos”. Así de taxante se mostrou este mércores a formación nacionalista para censurar que os populares utilicen a Autoridade Portuaria e a Delegación da Xunta como “unha especie de senados locais nos que ter en reserva, con importantes retribucións, os seus cadros fracasados”.

O futuro portavoz do grupo municipal do BNG, Xabier P. Igrexas, considera “indecente” o baile de nomes no PP para ocupar estes postos. Nese sentido, interpelou á candidata do PP, Marta Fernández-Tapias, para que aclare se vai tomar posesión da súa acta como concelleira ou, pola contra, se vai “atrincheirar” na Delegación da Xunta ou nalgunha Secretaría Xeral.

Másnoticias

El brunch más viral de Vigo abrirá un nuevo local y busca decenas de empleados

22/11/2025

Vigo estrena (a medias) Vialia on Ice, su nuevo gran atractivo "para ser la mejor Navidad del planeta"

22/11/2025

“En termos democráticos sería inxustificábel que por segunda vez a cabeza de lista do PP na cidade fuxa do seu desempeño na oposición para se garantir un mellor postiño”, advertiu Igrexas, que asegurou que esta decisión suporía unha “nova estafa” ao seu propio electorado. “O Concello de Vigo non é un segundo prato, as viguesas e os vigueses non merecen ese desprezo”, afirmou.

Na mesma liña, chamou a poñer fin “dunha vez por todas ao maltrato” que o PP ten demostrado cara a Autoridade Portuaria de Vigo, por considerala como “unha fonte de grandes salarios para os seus cargos”. Así, salientou o papel do Porto como “grande tractor económico” da cidade, que xera máis de 50.000 postos de traballo directos e indirectos. “Unha institución chave para a base produtiva de Vigo non merece acabar presidida por segundóns do aparato do PP local como Miguel Fidalgo”, remachou.