O BNG pide á Xunta e goberno central un "apoio real e efectivo" ao aeroporto de Peinador

Continúan as reaccións tras a marcha de Ryanair en Vigo despois de non ter chegado a un acordo económico co Concello. Desde o BNG apostan por planificar o futuro da terminal viguesa “con luces longas” facendo que non dependa de “decisións arbitrarias dunha aeroliña”. Nese sentido, o candidato do BNG á alcaldía de Vigo, Xabier P. Igrexas, vén de demandar que "tanto goberno galego como do estado" aposten polo aeroporto vigués e acheguen os "recursos necesarios" para desenvolver as súas potencialidades tanto no tránsito de viaxeiros e viaxeiras como tamén no transporte de mercadorías.

Para o Bloque ten que haber un "apoio real e efectivo" de ambas as dúas administracións pois a terminal, enclavada na principal cidade galega é importantísima tanto en termos loxísticos como estratéxicos na eurorrexión Galiza-Norte de Portugal. “Peinador é moito máis que o aeroporto de Vigo e da súa área metropolitana”, reivindica Igrexas. Emporiso, o candidato nacionalista demanda a posta en marcha dun Plano de Dinamización do Aeroporto de Peinador, no que se implique tanto o goberno galego como o español. Unha planificación que evite que Peinador estea sometido ás dinámicas conxunturais de aeroliñas e que permita consolidar e alargar a oferta de vóos, con máis itinerarios e frecuencias.

Másnoticias

En marcha el gran supermercado que aterrizará en el centro de Vigo

03/06/2026

Los 'mini pisos' se instalan en Vigo, el 25% en alquiler miden menos de 60 metros

03/06/2026

Accesibilidade

A formación nacionalista demanda tamén que se acometan melloras na accesibilidade e conectividade da terminal aeroportuaria. Para iso volven demandar a necesidade dun enlace directo que conecte Peinador coa AP9, por ser a principal infraestrutura viaria que atravesa a cidade, dado que o actual vial de conexión é insuficiente e cun trazado pouco operativo. Esta cuestión foi unha das reclamacións formuladas polo Bloque á proposta de Orzamentos Xerais do Estado para este 2019.

Tamén insisten en que ten que haber unha liña de autobús regular e directa que comunique o aeroporto coa cidade e singularmente coas dúas estacións de tren e a terminal de autobuses. “Non ten ningún sentido que a única liña de autobús urbano ao aeroporto sexa a 9A. Un aeroporto como Peinador merece unha liña directa como teñen outras cidades galegas”, demanda o candidato nacionalista. Igrexas lembra que as emendas nacionalistas ao proxecto de orzamentos da Xunta para este 2019 reclamaban unha partida de 300 mil euros para esta finalidade, que foi rexeitada polo Partido Popular.

De cara a impulsar as “potencialdiades hoxe practicamente desaproveitadas” en relación ao transporte de mercadorías, propoñen dotar a Peinador dunha área loxística nas súas inmediacións.