O BNG propón un Bono Consumo en Vigo dotado de 3,5 millóns para incentivar o comercio local

O Bloque Nacionalista Galego propón un Bono Consumo dotado con 3,5 millóns de euros para incentivar o pequeno e mediano comercio en Vigo. Así o anunciou o candidato do BNG á Alcaldía, Xabier P. Igrexas, durante un encontro con representantes do sector da cidade no que chamou tamén a poñer en marcha unha plataforma de venda en liña e declarar unha moratoria de dez anos para novas licenzas de grandes área comerciais.

Igrexas apostou por dar un "novo impulso ao pequeno e mediano comercio local que, durante os últimos anos, viu botar o peche de centos de establecementos". En boa medida, subliñou, "pola falla de apoio municipal, nomeadamente na pandemia sendo Vigo a única das sete cidades galegas que non despregou ningún tipo de liñas de axudas".

Másnoticias

El Concello estudia denunciar el aumento de los precios para volar desde Vigo durante los incendios

22/08/2025

Amenaza a su mujer en Vigo con un cuchillo tras revisar su teléfono móvil

22/08/2025

“A cidade vive unha desertización completa das rúas con arredor de 1.100 baixos comerciais pechados, máis que a suma das cidades de Lugo, Santiago e Pontevedra xuntas”, lamentou Igrexas. Fronte a esta situación, o candidato nacionalista asegurou que “o BNG aposta por un comercio de proximidade que dinamiza os barrios e crea emprego estábel fronte a ese modelo fracasado de grandes superficies”.

O cabeza de lista urxiu a posta en marcha dunha plataforma de venda en liña para permitir ao pequeno e mediano comercio competir no actual contexto e diante da promesa incumprida dun ‘Amazon vigués’ anunciada en abril de 2020 polo actual Goberno municipal.

Outra das medidas propostas polo BNG pasa por unha fiscalidade progresiva para axustar á realidade comercial as taxas e impostos comerciais, aumentando a achega que realizan as grandes áreas. Sobre estas últimas, insistiu na necesidade de "declarar Vigo como cidade saturada de grandes superficies comerciais".