O BNG vén de denunciar que a tramitación da Proposición de Lei para a Transferencia da AP-9 a Galicia “se está a demorar de maneira inxustificada” desde o pasado mes de febreiro en que foi admitida a trámite polo Pleno do Congreso. Co obxectivo de que poida ser aprobada canto antes, o deputado nacionalista no Congreso, Néstor Rego, convocará para este mércores os deputados e deputadas electas en Galicia de PSOE, PP e Unidas Podemos para acordar conxuntamente as accións a realizar para ver concluída e aprobada a transferencia da AP-9.
A forza nacionalista lembra que, por iniciativa do BNG, a Proposición de Lei para a Transferencia da AP-9 foi aprobada por unanimidade no Parlamento de Galicia e trasladada ao Congreso. Despois do bloqueo inicial por parte da Mesa -presidida polo Partido Popular- e do debate no ano 2018 -inconcluso como consecuencia da finalización da lexislatura- voltou ao Congreso no 2 de febreiro de 2021, sendo aprobada a toma en consideración. O día 5 de febreiro o BNG solicitou á Mesa a tramitación polo procedemento de urxencia, o que foi acordado por este órgano o día 9 dese mes.
Con todo, o BNG denuncia que “a Mesa vén prorrogando semanalmente o prazo de presentación de emendas ao articulado desde o día 22 de febreiro até a actualidade”. Para o deputado nacionalista, Néstor Rego, “a tramitación e aprobación desta Lei estase facendo agardar demasiado e entendemos que non hai motivo xustificado para a dilación dunha Proposición de Lei que foi acordada por unanimidade na Cámara galega e admitida a trámite no Congreso por amplísima maioría”.
Rego lembra que PSOE, PP e UP teñen 8 dos 9 membros da Mesa do Congreso e que, por tanto, depende destes partidos que non sexan aprobadas novas prórrogas semanais ao prazo de emendas e que a Proposición de Lei poida ir de forma inmediata a debate na Comisión de Transportes e ser aprobada canto antes polo Pleno do Congreso, mesmo neste período de sesións.
“Cremos que a unanimidade que se produciu no Parlamento da Galiza debe trasladarse tamén ao Congreso para que o conxunto dos deputados e deputadas electos pola Galiza reclamemos a tramitación canto antes desta Proposición de Lei”, sinala Rego.
El PP de Vigo ha registrado un moción de urgencia para su debate en el pleno para reclamar la dimisión del subdelegado del Gobierno
El buque se encuentra actualmente en su fase final de desarrollo. Está previsto que empiece a ser operativo en la primavera/verano de 2026
La CIG ha sido el único sindicato que no ha firmado el acuerdo con la empresa. Sí lo han firmado CC.OO. y personas independientes
El Vialia on Ice, uno de los grandes atractivos de la Navidad de Vigo, ya tiene fecha para su apertura con 75 casetas y atracciones
Os seus tres directores realizaron un percorrido polos principais fitos do centro - O conselleiro de Educación e o reitor da UVigo presidiron o acto
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL