O Porriño saca a concurso a sinalización dos viais municipais, até agora sen regularizar

O Concello do Porriño sacou a licitación por primeira vez o contrato para a sinalización horizontal e vertical dos viais municipais, tanto no centro urbano como nas parroquias e polígonos industriais.

"Trátase dun contrato que forma parte das tarefas necesarias para manter a orde e seguridade na circulación nos viais, especialmente nos pasos de peóns e cruces, e que non se tiña regularizado, executando ata o de agora os traballos con contratos `a dedo´ que non garantían o correcto mantemento do viario municipal", explican dene o Goberno local.

Másnoticias

El CTAG reduce a 96 los despidos del ERE por razones productivas, que solo afectará a O Porriño

18/11/2025

Estos son los seis proyectos transformadores que la Diputación impulsa en el área de Vigo

18/11/2025

“Este contrato responde ao compromiso deste equipo de goberno co mantemento do Porriño”, asegurou o alcalde, Alejandro Lorenzo, para engadir que “ese compromiso pasa tamén pola regularización da contratación, que permite dar conta de cada céntimo do diñeiro público e garantir a resposta ás necesidades que día a día van xurdindo”.

O orzamento base de licitación é de 107.992 euros, ao abeiro dun convenio de colaboración asinado coa Vicepresidencia Segunda e Consellería de Presidencia, Xustiza e Deporte. “Executarase a sinalización horizontal e vertical dos viais municipais nos que a falta de pintado e de sinalización vertical está a xerar graves problemas de seguridade, téndose xa producido accidentes por esta causa”, concluíu o rexedor. Os traballos consistirán no pintado das liñas, cebreados e símbolos e a instalación da sinalización necesaria para garantir a seguridade no centro urbano, nas parroquias e nos polígonos industriais.