Os “tesouros” históricos da moda galega exhíbense en Vigo

Vigo converteuse nunha pasarela de moda. Non era unha cuestión de amosar as novas tendencias, senón de facer unha inmersión nos traxes que marcaron ás galegas e aos galegos. O evento tivo lugar na sede da Deputación de Pontevedra en pleno corazón da urbe galega. O éxito de asistencia foi tal que a pasarela chegou ata o exterior do edificio situado no Casco Vello vigués.

O desfile de traxe tradicional galego permitiu admirar a impresionante colección da Asociación Etnográfica Sete Espadelas. 60 traxes de muller e home de diferentes clases sociais dos séculos XVIII e XIX e de diferentes comarcas de Galicia exhibíronse nesta cita que contou entre os modelos coa presidenta da Deputación, Carmela Silva, e os deputados provinciais Victoria Alonso, Gorka Gómez, Isaura Abelairas ou Santos Héctor. .

Másnoticias

Luisa Sánchez ratifica la "plena disposición" de la Diputación para financiar que Vigo acoja el Mundial

04/06/2026

¿En peligro la gran reforma de Rosalía de Castro? El conflicto político pone en riesgo esta obra de Vigo

02/06/2026

O desfile de traxe tradicional permitiu observar xoias como panos de manila, algúns con 200 anos antigüidade. A gala foi unha posta en valor non só do traballo da Asociación Etnográfica Sete Espadelas, senón que supón coñecer ese patrimonio inmaterial da nosa cultura.

O traballo desta asociación está recompensado con numerosos galardóns, como os 25 primeiros premios do certame anual de Santiago ou os once de investigación sobre traxe tradicional galego. O portavoz de Sete Espadelas, José Luis Rodríguez, sinalaba días atrás en Vigo que o pasado ano, a exposición que estivo no Museo de Pontevedra, “Galicia, a terra dos mil panos” recibiu 11.000 visitas só nun mes e vendeu 400 catálogos na primeira semana.