Os veciños de Teis denuncian que o Goberno non mellorará os pasos elevados sobre a AP-9

Novas queixas no barrio de Teis. A Asociación Veciñal sinala que dirixiuse por escrito a finais do mes de xullo ao Ministerio de Transportes, Mobilidade e Axenda Urbana para solicitar a mellora dos pasos elevados sobre a AP-9 en Teis, especialmente os pasos elevados sobre o camiño da Xorxa e da Trapa.

O colectivo veciñal apunta que dende xaneiro de 2010 enviaron xa tres escritos ao departamento que dirixe José Luis Ábalos con esta reivindicación e soamente tivo resposta esta última. Nesta contestación a Demarcación de Estradas do Estado en Galicia non fai ningunha referencia en mellorar este pasos elevados que carecen de mantemento.

Másnoticias

Las 'olimpiadas' de la hostelería en Vigo ya tienen ganador, este es el mejor camarero de la provincia

27/11/2025

Martín Códax elige Vigo para un "encuentro único" para avanzar en su crecimiento en la provincia

26/11/2025

A Asociación Veciñal de Teis recorda que a intención de impedir o paso de vehículo sobre estes dous pasos elevados nos camiños da Xorxa e da Trapa provocou a comparación de concentracións. A mobilización veciñal conseguiu daquela que estes pasos sigan abertos, permitindo o paso de peóns e vehículos.

Estes pasos elevados sobre a autoestrada no camiño da Xorxa e da Trapa construíronse fai 40 anos para impedir a incomunicación nestes lugares de Teis e permitir o paso de peóns e vehículos, así acordouse con “Autopistas del Atlántico” e co Ministerio no ano 1979. Desde entón usáronse sen ningún problema. Antes da existencia da autoestrada, estas vías xa tiñan os usos actuais.

O colectivo veciñal destaca que prohibir a circulación de vehículos por estes pasos elevados suporía un gran prexuízo para a veciñanza ao incomunicar e impedir que podan chegar ambulancias ou vehículos de servizo ás vivendas. “Nestes 40 anos o que puidemos comprobar é a alta de mantemento destes pasos elevados por parte da concesionaria da autoestrada”, expresas dende a Asociación Veciñal de Teis.

Os veciños de Teis xa responderon á misiva do Ministerio denunciando que non entenden que dende o Goberno non se esixa á concesionaria mellorar estes pasos elevados, para aumentar a súa seguridade e a capacidade dos mesmos, “pero teimase en falar de que son pasos peonís”. Outra demanda do colectivo é “coñecer as xestións realizadas por Abel Caballero diante do Ministerio” e recordan que o alcalde vigués afirmou en xaneiro de 2019 que non ía permitir que mutilasen unha parte da cidade.