Pontón enxalza o goberno de Moaña como "exemplo do bo facer do BNG nos concellos"

A portavoz nacional do BNG, Ana Pontón, participou no xantar popular que congregou en Moaña a centos de veciños e veciñas, militantes e simpatizantes do BNG para trasladar o apoio a Leticia Santos e a súa candidatura á reeleción como alcaldesa, para, asegurou, "seguir construíndo un concello en positivo e con futuro".

“Para o BNG é un orgullo ter unha alcaldesa como Leticia e presumir da xestión do goberno municipal en Moaña nestes últimos sete anos”, destacou Pontón. A líder dos nacionalistas galegos lembrou que Leticia Santos logrou situar ao BNG, de novo, como primeira forza en Moaña, confianza que Pontón está segura revalidará incrementada nas próximas eleccións.

Másnoticias

Una playa de las Rías Baixas se convierte en un cine gratuito para disfrutar de lo mejor del séptimo arte

21/08/2025

Una danza ancestral, grandes verbenas y queimada en una de las mayores fiestas del verano en Cangas

21/08/2025

A líder nacionalista subliñou algúns dos logros do goberno municipal liderado por Santos empezando por situar a Moaña como "exemplo de reciclaxe" cun plan que chega a case mil fogares e un exemplo no uso racional da auga. Igualmente, destacou a súa política de recuperación e preservación do patrimonio e nun urbanismo humanizado que "se ve na mellora da accesibilidade e nos  equipamentos públicos".

Destacou tamén a política social desenvolvida pola equipa de Santos, “44 domingos cos veciños e veciñas de Moaña defendendo a sanidade pública de Moaña”, citou como exemplo da preocupación do goberno do BNG por servizos públicos de calidade, “se o PP está xogando coa saúde das persoas, será o Bloque canto teña a responsabilidade de goberno quen recupere a sanidade pública”.

Segundo explicou, en Moaña duplicouse o investimento en benestar social que pasou de 1,1 millóns a 2,2 millón, “un goberno que mira polas persoas, que as acompaña, con maior intensidade cando máis o necesitan”. “Esa é a alcaldesa que queren as veciñas e os veciños, a que xestiona pero tamén se pon á fronte para esixir doutras institucións o que Moaña necesita e o que lle corresponde, por iso eu, como a maioría de veciños e veciañas Estou con Leti!”, concluíu.