SES enarbora en Moaña o triunfo da cultura na nova normalidade

María Xosé Silvar, SES, demostrou en Moaña ser unha aposta segura, unha garantía de éxito para comezar ao grande a programación de “Días de Mar”. A artista galega presentaba na vila morracense o seu último traballo, “Liberar as arterias”. O Palco da Música ofrecía unha contorna única para gozar da música dun dos referentes culturais do país.

A emerxencia sanitaria do coronavirus marca esa “nova normalidade” dos concertos. A pandemia pon a proba as gañas e a paixón que tanto as administracións como a xente teñen pola cultura. As actuacións contan agora co seu particular “teloneo”: limpeza de mans ao entrar no recinto, uso de máscara, distancia de seguridade e gozar do espectáculo sentado. Todos eses desafíos non puideron con este desexado encontro entre Moaña e SES, unha xuntanza que permitiu desfrutar do que será, case de seguro, un dos grandes concertos deste verán na provincia de Pontevedra.

Másnoticias

Moaña anuncia un verano de película con cine al aire libre gratis

26/06/2025

Bueu descubre sus tesoros con rutas gratis durante este verano

25/06/2025

SES é un seguro de vida. Unha garantía de espectáculo. A súa proposta poderíamos dicir que é universal. A artista galega propuxo ás seiscentas persoas que estaban no Palco de Música unha viaxe por diferentes estilos musicais. Porque a vida é precisamente iso, un traxecto de diferentes momentos, sentimentos e emocións. Rock and roll, habaneras ou blues. Había oco para todo nunha noite na que a lúa tamén ofrecía un marco idílico ao recital que estreaba a programación de “Días de Mar”.

A velada permitiu a SES enarborar a importancia da cultura nestes tempos de loita contra o coronavirus. “Se poden ir avións de Iberia cheos, por que non pode haber cultural?”. A música agradecía o apoio do goberno local de Moaña por sumarse á campaña “Non nos canceles” e por esa aposta polo mundo da cultura. SES demostrou que a música en directo ten espazo nesta “nova normalidade”. É o poder da cultura, unha inxección de felicidade, riqueza e emocións que onte degustaron máis de medio millar de persoas en Moaña.

A programación de “Días de Mar” continúa este domingo 2 de agosto coa celebración dunha nova edición da Feira EcoArtesá, que terá lugar entre las 11:00 e as 21:00 horas. Haberá entre 40 e 50 postos nos que haberá produtos de artesanía, xoiería, antigüidades, mobles, minerais ou postos de alimentación como queixos, repostería, plantas medicinais, froitos secos ou marmelada. Tamén haberá un espazo para a comida cun posto de churrasco e unha polbeira, que permitirán aos asistentes gozar dos pratos en pequenas “haimas”. Sen embargo, a gran cita chegará coa actuación de Uxía Lambona e a Banda Molona.

GALERÍA DE FOTOS