Willy Wonka e Putin, as armas de Castro Barreiro e A Feira no seu enfrontamento de Entroido

É un dos momentos máis agardados do Entroido na provincia de Pontevedra. O enfrontamento de Entroido entre os barrios de A Feira e Castro Barreiro, en Salceda, encheu de festa troula, música e moita retranca o Carnaval salcedense. Esta particular loita entre barrios, prevista para a tarde do martes tivo que ser adiada pola chuvia para este sábado, no que un ceo algo nubrado permitiu gozar ao máximo deste espectáculo.

Centos de persoas encheron a contorna da Casa do Concello á espera dun evento único na área metropolitana de Vigo. Son xa máis de 130 anos os que ambos barrios levan coa súa particular regueifa. Nin o franquismo nin a meteoroloxía puido cunha festa que xa é todo un clásico.

Másnoticias

Ya hay fecha para el Carnaval de Verán de Salceda y su exitoso Rally de Bares

08/06/2025

Picoteo, photocall, música y solidaridad en el mercado de Salceda a favor de los animales

05/06/2025

Este ano o encargado de abrir este desfile con moitas similitudes aos de Rio de Janeiro foi o barrio de A Feira. Arredor das 17:00 horas, descubríase o segredo mellor gardado nestas últimas semanas, a temática elixida. Nesta ocasión, os veciños feirenses decantaronse por Rusia. A carroza que abría o desfile tiña como principal protagonista a Vladimir Putin a bordo dun tanque que botaba "bombas" de confeti ás centos de persoas que se achegaron a Salceda a gozar dun dos principais eventos do Entroido salcedense.

Poco despois, chegaba o turno de Castro Barreiro, que apostaron polo universo de Roald Dahl coa personaxe de Willy Wonka e a súa fábrica de chocolate. As referencias de todo o que aconteceu no libro que o cineasta Tim Burton levou ao cine protagonizou esta comparsa que puxo o lado máis doce do clásico enfrontamento entre os dous barrios de Salceda de Caselas.

A loita non finalizou no centro de Salceda de Caselas. Arredor das sete da tarde, toda a comitiva do Entroido iniciu a camiñata cara o cruceiro de Fontedapedra, a parte máis espectacular e trouleira deste enfrontamento, que despois continúa toda a noite coa festa que cada barrio organizou en cada torreiro de festas.

O Entroido de Salceda despídese este domingo 10 de marzo co desfile de carrozas e comparsas con saída da Devesa (16:00 horas), cunha nova edición de coplas de Entroido na Praza do Concello 18:00) e coas actuacións de Os Espantarratos (20:00) e a Orquesta Sur (21:00) na Praza do Concello.