O clítoris conquista o dicionario da RAG na previa do Día da Muller

En plena semana de reivindicacións feministas, aínda coa “resaca” da multitudinaria manifestación deste pasado domingo e en plenos preparativos para a folga do próximo 8 de marzo, as galegas e galegos tamén se reivindican na linguaxe.

No “top ten” de buscas semanais do portal da Real Academia Galega, “clítoris” sitúase como a palabra con maior número de procuras online.

Másnoticias

Netflix anuncia a estrea da primeira película infantil dobrada ao galego do seu catálogo

02/04/2022

Netflix dobrará e subtitulará ao galego parte do seu catálogo de series e películas este 2022

15/03/2022

Tamén aumentou significativamente o termo “cona”, que xa é o noveno con maior número de consultas. Non en van, o BNG lanzou unha campaña na que, parodiando a da Xunta do 25N, defendía que “o máis grande de Galicia está até a cona”.

Unha decena de actividades en Vigo

O Concello de Vigo organiza ao longo deste mes unha decena de actividades que van dende proxeccións de cinema até contacontos para conmemorar o Día Internacional da Muller.

O programa arranca este martes, 6 de marzo, coa proxección de “La Fuente de las mujeres” no Auditorio Municipal e inclúe tamén un concerto da moañesa Wöyza o sábado, 10 de marzo, no MARCO.