Gadis trae o "conxuro definitivo" contra a Covid cunha defensa da mocidade no seu novo spot

Xa convertido nunha tradición de outono, Gadis presenta un ano máis a súa férrea defensa do xeito de ser galego dentro da súa campaña promocional de “Vivamos como galegos”. Por segundo ano, a Covid continúa protagonizando o seu principal spot do ano. Se en 2021 miraba directamente ao virus e espetaba un “que che dean”, este ano recoñece que as nosas vidas aínda continúan marcadas pola pandemia converténdonos en “toxos involuntarios”.

O anuncio da cadea de supermercados con sede en Betanzos cambia o foco e céntrase nos mozos, nun alegato protagonizado por xoves que, ante o intento por  criminalizalos de irresponsables durante a pandemia, expoñen que “parvos hainos en todas as idades”.

Másnoticias

Así luce Vigo en el último anuncio de una importante marca de Portugal

11/09/2024

Condenan a la encargada de un supermercado Gadis por acosar a dos trabajadoras

21/08/2024

O spot comeza reflexionando sobre cómo nos verían dende outro planeta. A nosa “nova normalidade” sería entendida como a verdadeira normalidade, nunha sociedade que “non da apertas, vai a concertos sentados, fala coa cara tapada e saúda facendo a mona”. Resumindo, que somos “toxos”. Aí é onde apuntan que quizáis pensarían que os máis mozos poden ser “máis parte do problema que da solución” pero os protagonistas do anuncio inician entón unha alegación recordando que en todas as idades hai irresponsables e piden unha “enchenta emocional” para poder, ao fin, acabar coa fame. A fame de saír, a fame de bicos, a fame de papar, a fame de carallada, a fame de avoíños, fame de verbena, fame de xente ou fame de ter un Nadal normal.

Para dar un “empurronciño” e “axudar un pouquiño á ciencia”, Gadis tira novamente de galeguidade para invocar “as forzas da nosa terra para afastar os demos, os malos espírutos e os virus”. Todo para “mandar ao carallo ao virus dunha p*** vez e volver a vivir como galegos.

O conxuro definitivo contra a Covid

1. Ir a San Andrés de Teixido
2. Mercar allos
3. Saltar as nove ondas da Lanzada
4. Facer etapas do Camiño
5. Desfrutar dos maios
6. Mercar figas e San Andresiños
7. Tocar a cabeza dun calvo
8. Apañar ferraduras
9. Pisar merda a propósito
10. Saltar a cacharela tres veces