O Concello traballa xa na preparación dos campamentos de verán para os nenos e nenas de Ponteareas, o Campus-Tea e o Verán Rural, dúas iniciativas que buscan “ofrecer unha alternativa de lecer e aprendizaxe á rapazada durante as vacacións estivais con actividades lúdicas, deportivas, educativas e culturais ao tempo que se facilita a conciliación familiar e laboral”, como destaca a alcaldesa e responsable de Ensino, Cristina Fernández.
Este xoves 4 de maio o Concello abre o prazo de preinscrición nas dúas liñas de campamentos de verán, que fomentan a atención á infancia e xuventude, a xestión social do patrimonio e medio ambiente e a dinamización cultural. As persoas interesadas poderán presentar a súa solicitude ata o vindeiro 19 de maio e terán á súa disposición as bases e os impresos de preinscrición na web municipal, na Sede Electrónica do Concello, no Rexistro Xeral do Concello ou na Oficina de Ensino de luns a venres en horario de 09:00 a 14:00 horas.
En total serán 420 prazas en diferentes espazos do núcleo urbano de Ponteareas e das parroquias para rapaces e rapazas de entre 3 e 12 anos en horario de 09:00 a 14:00 horas, con posibilidade de solicitar aula matinal de 07:30 a 09:00 horas no caso do Campus Tea. A listaxe provisional de nenos e nenas admitidas darase a coñecer o 26 de maio. Tras a publicación da listaxe definitiva de admitidos e admitidas o 7 de xuño, o prazo de inscrición, achega de documentación e abono da cota será do 8 ao 21 de xuño.
O Campus-Tea desenvolverase nas instalacións do CEIP Nosa Señora dos Remedios en catro quendas de 15 días que irán do 1 de xullo ao 31 de agosto. En xullo habilitaranse 100 prazas por quenda, mentres que en agosto estará limitada a 60 persoas. O prezo será de 48 euros por participante e deberá haber un grupo mínimo de 12 nenos ou nenas para poder poñer en marcha a aula matinal.
Pola súa banda, o Verán Rural rotará por diferentes parroquias de Ponteareas: do 1 ao 15 de xullo estará no Centro Cultural de Bugarín, do 16 ao 31 de xullo no Centro Cultural de Prado, do 1 ao 15 de agosto na Casa Cultural de Angoares e do 16 ao 31 de agosto na Casa Cultural de Guláns. Estes campamentos terán un prezo dun máximo de 47 euros por participante.
Cristina Fernández anima a todas as familias a inscribir aos nenos e nenas nestes campus “deseñados cunha programación repleta de actividades creativas, culturais e de coñecemento da contorna próxima dende unha pedagoxía baseada na educación en igualdade e en hábitos saudábeis. Sen dúbida, é unha oportunidade única para que rapaces e rapazas poidan aprender, crecer e gozar nun ambiente agradábel e divertido”.
El material incautado se descargó en Vigo de un contenedor procedente de Sudamérica. Dos personas fueron detenidas
El rapero argentino, que causa auténtico furor entre los más jóvenes, promete marcar un lleno total este viernes en el auditorio vigués
Renovación del videomarcador y de los vestuarios, cambio de alumbrado y mejora en la accesibilidad. Así mejora Salvaterra uno de sus campos de fútbol
Galicia incorpora durante los próximos meses un centenar de agentes de la Policía Nacional en prácticas. A Vigo llegan 23
Supón un fito no eido da acuicultura sustentable e podería reducir a dependencia dos bancos naturais
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL