A historia de Carmen Avendaño e as nais de Érguete convértese nunha obra de teatro

A loita das nais que fundaron a Asociación Érguete non deixa de inspirar novos relatos. Xa está en cine, en televisión e, agora, en teatro. A compañía madrileña Producciones Bernarda localiza a súa nova obra “Los hijos de cualquiera” naquela Galicia dos anos 80 onde un grupo de mulleres plantoulle caro ao narcotráficos polos seus fillos e fillas.

A presidenta da Asociación Érguete, Carmen Avendaño, agradece “a esta compañía integrada por mulleres comprometidas (Producciones Bernarna) as súas ganas por contar a súa historia”, e afirma que “está segura que será un éxito”. Avendaño aproveita a estrea da obra para lembrar aos responsables culturais que na compañía aínda están a configurar a súa xira.

Másnoticias

Las parroquias de Salvaterra se llenan de teatro este verano con ocho representaciones

17/07/2026

Salceda acoge el estreno en Europa de una obra teatral ambientada en el municipio y creada en Argentina

19/06/2026

A directora do grupo, Aldara Molero, afirma que esta montaxe “busca poñer o foco desta historia –a de David contra Goliat, a das formigas contra o elefante, a dos bos contra os malos– nas nais protagonistas; nas mulleres que tiveron a suficiente coraxe para canalizar a súa dor e facelo desembocar nun movemento histórico de transformación social”. Explica ademais que o proceso de creación da obra foi “intenso, sensible e bonito”, xa que “tivemos o pracer de compartir unha charla con Carmen da que aprendemos moito”.

Producións Bernardas fúndase en xaneiro do 2012 froito da necesidade de levar a cabo proxectos de creación artística propios, baseados na investigación de novas linguaxes teatrais .Xorde para dar resposta a unha iniciativa profesional permitindo xerar unha plataforma sólida onde as diferentes disciplinas dos artistas que forman o grupo atopen un punto de encontro común para elaborar proxectos que potencien así a mestizaxe artística e a investigación escénica.