O Culturgal é o punto de encontro da cultura galega. Son tres xornadas con máis de 100 actividades nas que a literatura, a música ou o sector audiovisual son protagonistas. Ademais da programación da Feira, os asistentes poden desfrutar de citas especiais. Un delas é o concerto que ofrecerá Carlos Núñez este sábado, ás 21:30 horas, no Pazo da Cultura de Pontevedra.

O músico vigués volve á cidade do Lérez case dez anos despois na xira de presentación do seu primeiro libro "A irmandade dos celtas". Este "tour" está baseada nesta publicación na que o artista conta a súa visión do celta como unha utopía milenaria que, dende hai séculos, creou un imaxinario universal que hoxe segue sendo unha inesgotable fonte de inspiración artística.

Másnoticias

Carlos Núñez y sus "Músicas Atlánticas", el colofón para cerrar por todo lo alto en Vigo el Congreso del Mar

El mejor gaiteiro del mundo pone música a un castillo del área de Vigo, Carlos Núñez llega a Salvaterra

17/07/2026

Carlos Núñez, Festa do Viño, "guateque" y cine en el verano top de Salvaterra

El músico gallego "más internacional" llega a un enclave único de Baiona para un concierto "máxico"

14/06/2026

Carlos Núñez amosará os sorprendentes descubrimentos a través de novas músicas. O recital, que terá lugar ás 21:30 horas, está a punto esgotar todas as localidades, que están dispoñibles en Ticketea.

Espectáculo especial para os peques

O público familiar ten dúas citas importantes este domingo 2 de decembro. Unha delas será "OVIRAVAI, Paio e o Poder da Música", un espectáculo no que os seus protagonistas van descubrir o poder da música e da amizade. Os máis pequenos coñecerán a importancia de coidar o Planeta e tamén as criaturas que viven nel. O show será ás 12:00 horas no Pazo da Cultura de Pontevedra e a entrada ten un prezo de 5 euros sen contar gastos de xestión.

Na xornada da tarde será o momento de gozar do espectáculo de "A casa do terror", unha divertida e dinámica representación musical con cancións, danzas, elementos teatrais ou de clown e, sobre todo, con moita participación do público asistente.

Tras o éxito con "Estamos no verán!!!", Xoán Curiel e a Banda do Verán presentan no Pazo da Cultura de Pontevedra, ás 18:00 horas, este musical infantil e familiar moi rockeiro e terroríficamente divertido. O espectáculo ten unha duración aproximada de 70 minutos. A idade recomendada é de maiores de 4 anos. A entrada ten un prezo de 5 euros sen contar gastos de xestión.

As localidades para os dous espectáculos están dispoñibles na web de Ticketea.