O FICBueu segue rompendo os seus rexistros

O Festival Internacional de Curtametraxes de Bueu bateu este ano a súa propia marca coa recepción de 2.202 filmes, chegados dun cento de países dos cinco continentes. O sábado pasado pechouse o prazo para presentar obras ao certame, que se desenvolverá na vila pontevedresa do 7 ao 15 de setembro.

Un ano máis, Francia volve copar a cuarta parte das obras enviadas, non só polo dinamismo do cinema galo senón probablemente tamén pola participación dunha delegación do FICBueu no prestixioso Festival de Curtametraxes de Clermont-Ferrand. España é o segundo país máis representado, con 256 filmes, seguido, aínda que con menos da metade, por Alemaña, Brasil, Bélxica, Italia e Rusia. Cómpre salientar tamén algúns envíos de lugares tan remotos coma Swazilandia, Singapur, Illa Mauricio, Moldavia ou Kirguistán.

Másnoticias

Rueda justifica ocupar vía pública para el antiguo chalé de Feijóo en Moaña: "Había motivos de seguridad"

15/09/2025

Remolcado a Vigo un pesquero con seis tripulantes que se quedó sin gobierno en la Costa da Vela

12/09/2025

Cómpre apuntar tamén o lento pero constante incremento de curtas dirixidas por mulleres, que se sitúan no 32%. Por outra parte, no 34% dos casos tratábase de óperas primas das e dos cineastas. En canto aos xéneros, segue a predominar a ficción e os contidos adoitan ser un reflexo da realidade, destacando as temáticas sociais. O equipo de selección do FICBueu 2018 continuará nas próximas semanas co visionado das curtas remitidas e o 15 de maio daranse a coñecer os títulos que finalmente se proxectarán durante o certame.