As mellores curtas dun festival referente do cinema como é o FICBueu poderanse gozar este xoves na nova proxección do Cineclub Alice Guy que terá lugar no Auditorio Municipal ás 20:30 horas. A proposta trátase dunha escolma das mellores obras internacionais da pasada edición do Festival Internacional de Curtametraxes de Bueu, celebrado na vila morracense do 6 ao 14 de setembro. Ademais da proxección desta interesante selección, o evento contará coa participación do director do festival, Manuel Pena, co fin de establecer un coloquio co público.

O FICBueu nace en 2008 coma un espazo de difusión da cultura cinematográfica en formato curto, para abrir unha fiestra cara ese cinema local e internacional de calidade a cotío vetado ao gran público. Este ano, o festival celebrou a súa duodécima edición cunha intensa e coidada programación que agora se poderán ver este xoves no Auditorio Municipal de Nigrán.

Másnoticias

Arranca en Vigo el rodaje de la película sobre el atroz crimen múltiple de Nigrán de los años 90

21/10/2025

Aplazado el juicio a dos supuestos autores de un atraco en Vigo, que se enfrentan a 5 años de cárcel

Dos hermanos de Baiona se enfrentan a prisión por extorsionar a un hombre por 60 euros

21/10/2025

As curtas que se poderán ver a partir das 20:30 horas na nova sesión do Cineclub Alice Guy son “Cadoul de Craciun” (Ánfora de Ouro), “Lake of Happiness” (Ánfora de Prata), “Memorable” (Premio do Público FICBUEU 2019), “Nursery Rhymes” e “Skin”.