“O que arde” vai camiño de romper todas as fronteiras do cinema feito en Galicia e en galego. O filme de Oliver Laxe (1982) fixo que por vez primeira a lingua galega se escoitara no prestixioso Festival de Cannes e conquistou ao xurado saíndo con galardón. O terceiro filme de creador galego busca agora ao público e faino con éxito.

En tres días a cinta sumou 11.000 espectadores e continúa rachando récords ao converterse, segundo informa a súa distribuidora, “na segunda mellor estrea independente da fin de semana". Na súa rolda de presentación entre os espectadores, Laxe visitará este xoves os Multicines Norte, aínda que os pases están xa esgotados.

Másnoticias

Vigo recupera los paraguas tras la vuelta de una lluvia que llega para quedarse

Vigo y su área se preparan para una tromba de agua con alerta amarilla por lluvias

21/10/2025

Así será el espectáculo de drones que Baiona ha preparado por la Vuelta Ciclista: horarios y ubicaciones

El espectáculo áereo de drones llega a Vigo para rendir homenaje a Iago Aspas en Balaídos

21/10/2025

Segundo informan desde os cines independentes vigueses, o coloquio posterior a proxección do filme previsto para as 21:20 horas deste xoves marcou unha exitosa venda de entradas, esgotando todas as butacas dispoñibles. O director decidiu entón presentar o filme na proxección inmediatamente anterior, a das 19:40 horas, que tamén esgotou entradas.

“O que arde” achéganos ao lume que fascina, ao da vinganza política, ao que recalifica o chan ou fai baixar os prezos da madeira, pero sobre todo introdúcenos na vida dun pirómano, unha figura, que o director define como “demasiado abstracta e misteriosa, un saco no que se inclúen a todos os malvados do lume”.

Os espectadores poderán coñecer a Amador, un incendiario que tralo seu paso pola cadea regresa a casa, nunha aldea perdida nos Ancares lucenses, onde volverá vivir coa súa nai Benedicta, súa cadela Luna e tres vacas.