Esta semana péchase o programa estival de Monicreques de Verán e Cine na Rúa. Así, mañá martes, a Praza Massó acolle ás 21.00 horas a representación teatral de “A cabeza do dragón”, da compañía Cachirulo. A obra, que se basea nas obras de marionetas de Ramón María del Valle Inclán, conta a historia do Príncipe Verdemar, quen é desterrado do seu fogar e, coa axuda dun trasgo traveso, terá que loitar contra bandoleiros e contra o terrible dragón que ten prisioneira á filla do Rei Micomicón para poder retornar triunfante á súa casa.
E o mércores, ás 22.00 horas, proxectarase “La vida de calabacín” tamén na Praza Massó. O filme conta as peripecias de Calabacín, un neno valente que despois de perder á súa nai, ten que ingresar nun fogar de acollida, con outros nenos orfos da súa idade.
A concellaría de deportes organiza para esta semana un novo roteiro saudable e una xornada de chave. O mércores 16 de agosto sae ás 10.00 horas un roteiro saudable dende o río Bispo ata Meiro, polo camiño romano e baixada a Bueu por As Lagoas. Non é necesaria inscrición previa e vai dirixido a calquera idade.
Ademais, o venres 18 de agosto, a partir das 11.00 horas, xunto ao composteiro da rúa Xosé María Estévez, terá lugar unha xornada de chave, dirixida a todas as idades.
A Facultade de Bioloxía presenta o proxecto Montes Vigo 2046, unha iniciativa que chega da man da Mancomunidade de Montes de Vigo
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL