Os Bolechas agardan aos máis pequenos no centro de Vigo

Os Bolechas culminan a súa xira en Vigo. Non para presentar ningún libro sobre a urbe galega, senón para amosar os diferentes xeitos de falar o galego. No marco da programación do Ano da Lingua, o departamento provincial de Cultura e Lingua levou por todas as comarcas da provincia o universo Bolechas para que toda a rapazada poida coñecer a riqueza do noso idioma ao longo e ancho de todo o país. A mostra, denominada "Gatiños, ghatiñas, gatíos. Xeitos de falarmos galego" chegou á Praza do Rei o pasado 5 de decembro e estará dispoñible para que a visiten as nenas e nenos ata o vindeiro domingo 16 de decembro.

O horario deste espazo didáctico e interactivo que ten como protagonista á familia dos Bolechas é de luns a venres de 10:00 a 13:30 horas e de 16:00 a 20:00 mentres que os sábados, domingos e festivos o horario será de 11:00 a 14:00 e de 16:00 a 20:00 horas.

Másnoticias

Nace un nuevo restaurante en Vigo para recuperar "el sabor de siempre" con un "toque único"

08/06/2026

La Xunta cierra una oficina de Augas de Galicia en Vigo por "optimización" de recursos

08/06/2026

"Gatiños, ghatiñas, gatíos. Xeitos de falarmos galego" propón un itinerario dividido en 12 espazos que, ademais de á aprendizaxe, convidan á experimentación e á diversión. Neles as cativas e os cativos poden interpretar cancións e mesmo protagonizar a súa propia representación teatral. A mostra, ademais de participativa e didáctica, tamén é inclusiva e multisensorial e atende ás necesidades de todas as persoas, incluso ás daquelas que teñan algún tipo de dificultade ou discapacidade.

Os centros escolares poderán concertar visitas guiadas con grupos de primaria. As interesadas e interesados poden facelo a través do teléfono 981 569 155 ou do correo electrónico [email protected].