Pakolas e "Ramona Órbita" inician unha rockeira viaxe no tempo este venres en Redondela

Pakolas, o álter ego de Paco Cerdeira, regresa este venres 30 de abril a Redondela para despedir o mes de abril cunha tarde de música en familia. O músico galego guiará aos asistentes coa súa forza interpretativa e o seu humor nun espectáculo onde a interacción e a participación dos nenos e nenas, ademais das caracterizacións, son o principal atractivo para o público.

A cita con “Rockeando con Ramona Órbita, a dona do tempo” arrancará ás 18:00 horas na Alameda Castelao dentro do programa Venres Cativos. A entrada é de balde e libre até completar o aforo, máis reducido do habitual debido á norma anticovid.

Másnoticias

Trasmañó se prepara para una jornada de fiesta con verbena, pulpeiro y chocolate con rosca

06/12/2023

La Navidad también llegó a Chapela con nieve artificial, música y pasacalles

05/12/2023

No concerto, artista e pequenos cantarán a historia de Ramona Órbita, unha muller labrega da Serra do Courel, que posúe unha horta cibernética con patacas automáticas, e ademais ten unha máquina do tempo, o seu mellor invento. Con ela viaxa ao futuro e ao pasado na procura de tecnoloxía para crear un mundo mellor, mais ecolóxico e con enerxías limpas.

Así, a través das cancións e a narración irán saltando a diferentes épocas. Ramona viaxa á prehistoria a comer churrasco de mamut con Manolo Cavernario que acaba de descubrir o lume, visita a Leonardo Da Vinci no Renacemento, acode ao Antigo Exipto cun tal Ramsés a quen lle cheiran os pés, ou conversa cun robot que ten unha Roda Rota que se fai chamar Time. Todo ata chegar a “Benvidas ao Futuro” cando se cantará por unha sociedade mais ecolóxica e concienciada co respecto e coidado á natureza.