Samaín didáctico nas aulas de Nigrán

O Concello de Nigrán vén de deseñar, a través do seu Servizo de Normalización Lingüística, a unidade didáctica “Coñece o Samaín” destinada ao alumnado de Primaria do municipio. O traballo realizado pola técnica Andrea González foi enviado o pasado martes aos colexios co obxectivo de promover a festividade do Samaín entre os máis pequenos e que coñezan e recuperen esta tradición, ademais de pasar un bo rato xogando na aula.

Entre as demais finalidades desta campaña de dinamización lingüística están, tamén, recoñecer a orixe céltica e europea da festa, coñecer o folclore asociado con ela e dominar o vocabulario propio do Samaín.

Másnoticias

Baiona anuncia uno de sus bombazos del verano, la Panorama llega al festival "Entre Playas"

03/07/2025

Nigrán pone en marcha su bus a la playa con cambios en la línea que circula cada 20 minutos

03/07/2025

A unidade didáctica contén unha parte teórica de información sobre o Samaín, exercicios, bibliografía e mesmo unha actividade plástica para crear un móbil decorativo. Ademais, o Concello de Nigrán pon ao servizo da cidadanía a unidade didáctica “Coñece o Samaín” para que calquera persoa a poida descargar (preme aquí).