Descubre o casco vello de Cangas por Semana Santa

O conxunto histórico de Cangas constitúe unha clara mostra do modelo construtivo das vilas mariñeiras ademais de contar con elementos singulares e característicos da península do Morrazo. Co gallo de descubrirnos os seus segredos, o Concello organiza unha serie de visitas guiadas dentro da programación municipal da Semana Santa.

Este roteiro guiado de balde visitará, entre outros, a Ex-colexiata Santiago de Cangas, a Capela do Hospital ou as casas patín.

O templo relixioso da ex-colexiata levántase na rúa Real, columna vertebral da vila onde aínda podemos atopar vellas mansións fidalgas ou relevantes esculturas. Aínda que foi contando con diferentes ampliacións e modificacións, a súa construción dátase a comezos do século XVI e constitúe a gran xoia artística do municipio como unha das achegas do renacentismo de Galicia.

Outro dos puntos que se visitarán son as casas de patín, que se caracterizan por contar cun acceso exterior de escaleira encastada, o denominado patín. No mesmo conxunto histórico os camiñantes poderán atopar máis dunha trintena de cruceiros, numerosas capelas y escudos das vellas casas brasonadas.

Estas visitas guiadas de balde celebraranse o martes, 27, mércores, 28, e xoves 29 de marzo. A saída, todos os días, será ás 11:00 horas dende a Oficina Municipal de Turismo.

Continúan as visitas guiadas de “Inverno en Ruta”

Dende o pasado 3 de febreiro o Concello de Cangas vén celebrando unha nova edición do programa “Inverno en Ruta” que busca fomentar o turismo activo e desestacionalizado á vez que se ofrece unha visión diferente do municipio do Morrazo.

No que resta de mes de marzo os veciños e visitantes poderán gozar das tres derradeiras visitas. O 17 de marzo terá lugar “Cangas e o mar”, o día 24 será a quenda da “senda costeira de Areamilla a Liméns” namentres que o programa de Inverno en Ruta pecharase coa visita “O Facho, gardián milenario” que se celebrará o 31 de marzo.

Estas rutas son tamén gratuítas e precisan de inscrición previa a través da Oficina Municipal de Turismo. [Saber máis de Inverno en Ruta

Másnoticias

Los alumnos de los centros educativos de O Morrazo dañados por el temporal vuelven el lunes a clase

20/03/2025

La borrasca Martinho llega con fuerza a Vigo y su área con tejados arrasados, cortes de luz y accidentes

20/03/2025