Roteiro circular para descubrir os pazos de Bueu

Bueu conta cun importante patrimonio das chamadas “casas grandes” ou pazos, de gran valor arquitectónico e etnográfico, aínda que todos eles son privados. Porén, o concello organiza para este mércores, 2 de agosto, un roteiro por dous dos máis destacados pazos do municipio. Trátase do de Santa Cruz e do de Ouril.

O primeiro, tamén coñecido como o Pazo de Quitapesares, data de mediados do século XVII e actualmente está perfectamente conservado ao estar dedicados os seus xardíns, onde se ubica un invernadoiro inglés, a casamentos. De estilo arquitectónico barroco, destacan os seus tres escudos e a gran torre ameada. Con vistas á ría de Pontevedra conta ademais cunhas espectaculares escalinatas que dan acceso ao interior do pazo.

Pola súa parte, o Pazo de Ouril foi ordeado construír polo tamén señor do Pazo de Santa Cruz, situado moi próximo. Cunha estrutura en “L” de dous andaras e unha torre ameada, o pazo, de traza barroca, conta cuns coidados xardíns, un hórreo, un pombal e un cruceiro, todo rodeado por un gran muro de pedra. No camiño que rodea ao recinto hai unha baixada que esconde un fermoso lavadoiro cunha fonte esculpida na pedra.

¿NO TIENES EL SERVICIO DE ALERTAS DE WHATSAPP?
Saber todo lo que ocurre en Vigo y su área metropolitana es ahora más sencillo, rápido y directo.

Darme de alta <> Quiero saber más

Cando sairá a andaina?

Arrancará ás 10:00 da mañá dende a Praza Massó e terá unha dificultade moderada cunha duración de dúas horas. Dende o servizo de deportes do Concello de Bueu recoméndase levar calzado adecuado, gorra, barras enerxéticas e bebida. A actividade é totalmente de balde e non require inscrición previa.

Deja un comentario

Tu dirección de correo electrónico no será publicada. Los campos obligatorios están marcados con *

*