A Roda, ¿tamén nos concertos de verán de Castrelos?

Primeiro foron Raphael e Serrat, despois confirmouse Maná e o pasado 12 de abril sumáronse Morat, Dorian e Zoé. As festas de verán de Vigo van, paseniñamente, enchéndose de artistas e grupos que actuarán no Auditorio de Castrelos. Pero a programación de Vigo en Festas 2018 podería ter un novo invitado.

Durante a celebración da Brincadeira, en Bouzas, o grupo A Roda ofreceu un concerto no que presentou o seu novo disco “Nós". Como é habitual, o alcalde, Abel Caballero, exerceu de “presentador improvisado”. Foi nese momento, cando as festas de Vigo poderían ter sumado un novo concerto.

Másnoticias

¿Qué medidas de seguridad deben superar atracciones de feria como la de Matamá?

Caballero convoca el pleno extraordinario por el caso Saltamontes y la oposición exige su comparecencia

04/06/2026

Detenido un hombre en Vigo por traficar con drogas sintéticas y cocaína

04/06/2026

Cando o rexedor olívico xa tiña viaxando do escenario, o baixista Alfredo Dourado, non o dubidou e lembroulle que “nos debes unha actuación, alcalde, prometiches este ano unha actuación así que vémonos en Castrelos”, espetou o membro de A Roda.

Todo quedaría nunha brincadeira, nunca mellor dito, se non fora porque Caballero retornou entón ao escenario para asegurar que “A Roda vai actuar no mellor sitio de Vigo, en Castrelos”. O rexedor olívico lembrou que “eu lles dixen que ían facer unha actuación na festa de Vigo” e que polo tanto así sería. Agora, queda por ver se todo foi froito da emoción do momento ou A Roda tamén estará no Vigo en Festas.

Consulta aquí as datas xa coñecidas dos concertos de verán en Vigo