A versión galega de “Humor amarillo” volve a Ponteareas co "pau de sebo"

O “pau de sebo” volverá engraxarse este agosto para poñer a proba o equilibrio dos que se atrevan a percorrelo. Tralo éxito do ano pasado, cando o Concello recuperou esta tradición tras trinta anos sen celebrarse, a praia fluvial de San Roque volverá a coller este xogo tradicional o sábado, 17 de agosto.

¿NO TIENES EL SERVICIO DE ALERTAS DE WHATSAPP?
Saber todo lo que ocurre en Vigo y su área metropolitana es ahora más sencillo, rápido y directo.

Darme de alta <> Quiero saber más

A filosofía é sinxela. Os participantes deberán subirse a un pau para camiñar por el sobre as augas do río. O único problema é que este longo pau estará untado con sebo e será extremadamente escorregadizo. Equilibrio e habilidade deberán ser as virtudes dos participantes maiores de 16 anos que se atrevan a participar neste “humor amarillo” á galega.

Ademais da actividade estrela, as familias desfrutarán dunha xornada de xogos tradicionais e populares aptos para todos os públicos. Pola súa parte, a música de Avoid Notes, das gaitas da casa cultural de Areas, de Argonat Band e de Almudena Lamora acompañará á xornada festiva. As actividades arrancarán ás 17:00 horas.

O xogo tradicional do pau de sebo volverá ser a estrela das festas e os e as participantes deberán pelexar por acadar o primeiro premio, un xamón, mentres o segundo e o terceiro premiado serán agasallados con diferentes produtos de alimentación, recuperando tamén deste xeito os típicos premios que se entregaban nas festas populares.

Deja un comentario

Tu dirección de correo electrónico no será publicada. Los campos obligatorios están marcados con *

*