Amaro Ferreiro e Villanueva poñen música ao atardecer da ría de Vigo

O verán afronta o seu ecuador, pero xa sabemos que nos deixa como gran evento o ciclo “Solpores do Museo”. A ría de Vigo e o seu atardecer merecían unha cita desta magnitude. A resposta do público foi inmediata. Un éxito rotundo, esgotando as 300 localidades gratuítas en 48 horas para cada un dos espectáculos programados. A seguinte “entrega” deste evento que celebrase no Museo do Mar terá lugar este xoves 1 de agosto, ás 20:30 horas, coa actuación dos galegos Amaro Ferreiro e Villanueva.

Os dous músicos serán os encargados de escribir o segundo episodio dunha cita que comezou o pasado mércores 24 de xullo co recital ofrecido por Baiuca e Presumido. Amaro Ferreiro e Villanueva porán música a este escenario arquitectónico singular como é o Museo do Mar, un espazo que conta coa posta de sol como valor engadido para vivir unha xornada única.

Másnoticias

El fuerte viento de la borrasca Caetano derriba más elementos de la Navidad de Vigo

21/11/2024

El PP lamenta la "falta de compromiso" del PSOE de Vigo con la alta velocidad a Portugal

21/11/2024

Amaro Ferreiro comezou a súa carreira artística xunto ao seu irmán Iván Ferreiro. Tras a disolución dos Piratas, Amaro non deixou de tocar. O fixo en solitario ou acompañado do seu irmán Iván ou noutros proxectos musicais. Foi a partir do verán do 2007 cando comezou unha xira con composicións propias chamada “Tio Vivo” e en setembro dese ano sacou o seu primeiro disco en solitario co título de “La ciudad de las agujas”, con colaboracións de Eva Amaral, Iván Ferreiro, Xoel López e Leiva, comezando así unha xira por toda España.

Por outra banda, Villanueva é un autor de cancións de rock que non ten complexos á hora de vestir as súas composicións e arranxalas de forma diferente con elementos doutros estilos gardando sempre un selo persoal e independente que o sitúan nun dos autores españois máis respectados da súa xeración.

O programa de “Solpores no Museo” inclúe un concerto semanal ata finais do mes de agosto. Os afortunados que xa teñan a súa entrada poderán gozar de artistas como Zenet, Joe Crepúsculo, Soleá Morente ou Xosé Manuel Budiño, que estarán acompañados con referentes galegos como Moon Cresta o Bliusvai. Tras a cita deste xoves con Amaro Ferreiro e Villanueva, será a quenda de Moon Cresta e a banda Aurora & The Betrayers, que actuarán o 8 de agosto. O 15 de agosto, a música correrá a cargo de Soleá Morente e Xosé Manuel Budiño mentres que o xoves 22 de agosto terá lugar a actuación de Joe Crepúsculo e a galega Cora Velasco, mentres que o vindeiro 29 de agosto celebraranse as últimas actuacións do ciclo a cargo de Zenet e Bliusvai.