"Arte no queimado", a nova vida da natureza tras os incendios forestais de outubro

O Concello de Nigrán conmemora os nove meses dos incendios forestais do 15 de outubro cun gran evento este domingo na Ramallosa, concretamente na Alameda de San Campio, a cargo da corrente artística "Arte no Queimado", xurdida precisamente a raíz do fatídico domingo negro. Na iniciativa participarán a Comunidade de Montes de Camos e Chandebrito, a asociación veciñal "O Castro" de Chandebrito e Coruxo Arte.

O promotor deste novo colectivo artístico, o escultor Juan Coruxo, iniciou xunto aos seus compañeiros Remigio Dávila e Rosendo González a talla de cinco árbores secos e que están situados na Alameda de San Campio. O obxectivo é que durante o domingo rematen o traballo como parte fundamental da celebración da xornada "Arte no Queimado", que reunirá a preto dunha vintena de artistas traballando en vivo na Alameda de San Campio con material procedente maioritariamente dos lumes de outubro. Ademais, durante todo este día haberá obradoiros infantís e, pola tarde, de 20:00 a 21:00 horas, un "Pasarrúas Máxico" a cargo da compañía A Illa dos Nenos que conxuga a maxia e o circo para crear un mundo fantástico cheo de ilusións e sorrisos. Dous magos acompañados de dous zancudos serán os encargados de marabillar ao público que atopen ao seu paso polo Paseo da Foz ata chegar á Alameda, onde realizarán un gran espectáculo conxunto.

Másnoticias

Nigrán suma más de 6.000 metros cuadrados para su nuevo aparcamiento junto al mar

11/07/2025

Baiona se llena de verbena con dos de las mejores orquestas de Galicia por la Festa do Carme

10/07/2025

O punto e final da xornada "Arte no Queimado" o porá ás 21:00 horas o acordeonista Roberto Comesaña, gañador dun Grammy no ano 2016 co tema "Cabaliño" xunto a Cristina Pato, Anxo Pintos e Davide Salvado; amén de sumar outros destacados recoñecementos na súa importante traxectoria.

"Trátase dunha gran xornada lúdica e educativa na que buscamos non perder a memoria do acontecido e concienciarnos todos do desastre absoluto que supoñen os incendios", reflexiona Juan González, alcalde de Nigrán.