Así son os petiscos do VindeTapas de Baiona coa súa oferta gastronómica precolombina

“Vincular un concepto tan galego como a gastronomía co mundo do Pergamiño Vindel”, esa é a filosofía do VindeTapas, o concurso de tapas que percorre en xaneiro e febreiro diferentes concellos da Ría de Vigo.

O elemento diferencial, tratase de cociñar tapas eliminando aqueles elementos que na cociña precolombina non conformaban a nosa dieta, como a pataca, o tomate ou o pemento, e incluír aqueles outros que agora se empregan menos pero que eran moi habituais.

Ao igual que en Redondela, o concurso comeza este venres, 12 de xaneiro, e rematará o domingo, día 21. Son nove establecementos participantes os que ofrezan estes petiscos a un prezo de 2,5€. Os horarios son de 12:00 a 14:00 e de 19:00 a 22:00 horas, ainda que cada local poderá amplialos.

Cales son os premios do Vindetapas?

Os que presenten a papeleta, que se entregará a cambio de cada tapa e na que os asistentes votarán a mesma, poden optar a un circuíto termal para dúas persoas no Talaso Atlántico de Oia, unha cea para dúas persoas no Talaso Atlántico de Oia, dous lotes de Galicia Calidade, un lote de Vía Romana ou un lote de Nordesia Vermú.

Os comensais que completen o pasaporte do Vindetapas -os selos dos nove establecementos- poderán gañar unha fin de semana en Talaso Atlántico de Oia, unha noite para dúas persoas nun local de Galicia Calidade ou unha noite para dúas persoas na Cabana da Fraga de Liño.

A organización dará un terceiro, segundo e primeiro premio tanto aos locais coa mellor valoración por parte do público como a aqueles que ditamine un xurado profesional.

Cales son os petiscos do VindeTapas de Baiona?

Codornices Cortesanas, Taberna A de Sabas