Máis e máis tapas. O Concello de Salceda vive entre o 20 de abril e o 12 de maio, os venres e sábados, a súa particular ruta de petiscos. No caso salcedense este roteiro é particular, xa que rende tributo a un dos alimentos máis populares da nosa cultura: os bocadillos. Así, a primeira ruta do Bocaselas contará coa participación de 15 locais que ofreceran as súas particulares creacións gastronómicas en pan.

Másnoticias

Un gran encuentro de "viño colleiteiro" animará Soutomaior el fin de semana con zona gastro y conciertos

Vino, merienda y música en una ruta por cinco bodegas en Salceda de Caselas

18/11/2025

Vigo ya tiene su tapa más sabrosa, este es el ganador del Petisquiño

17/11/2025

O asistentes poderán desfrutar do Bocaselas os venres e sábados, establecéndose dúas rutas diferentes cada xornada. Os venres participan nove locais (A Calustra, A Tabertenda, Templo, Hamburguesería Lajala, Pizzeria D’Camilo, Tapería A Esfarrapada, Bar Caselas, Cafe Aragonta e Bodeguilla 29) e os sábados serán seis. (Panalia, Jazz & Blues, Cafetería Altamira, Bar Ozores, Xeadería Cream, O Recuncho do Lucho).

A ruta, como é habitual nestas iniciativas, conta cun prezo común para todos os participantes co pincho a 1,50€ e a opción de “bocatín e caña” por 2,50€.

O Bocaselas xurde tralo éxito que está a acadar cada ano o Pincho Folk e busca erixirse como outra “importante iniciativa para dinamizar o pobo e sobre todo os establecementos hostaleiros”, en palabras da concelleira de Comercio e Turismo, Loli Castiñeira. Concello e sector hostaleiro van da man convencidos de que o público de Salceda e arredores volverá dar unha resposta positiva, e tamén por iso se prevén premios para as persoas que degusten os bocatas en varios establecementos, e que entrarán no sorteo de vales de compra para consumir nos locais participantes.