Segundo grupo escocés en sumarse ao Festival Intercéltico do Morrazo que se celebrará na última fin de semana de xullo. Se en abril coñecíamos a incorporación de Project Smok, a organización do festival do Morrazo suma agora ao grupo Capercaillie.
A histórica banda, que comezou a súa actividade nos anos 80 e medrou liderando a vangarda do rexurdimento da música escocesa, fixo historia colocando, por vez primeira na historia, unha canción en gaélico escocés na lista dos 40 mellores singles do Reino Unido. De feito, Capercaillie logrou situar catro dos seus álbums na UK Albums Chart que recolle os discos máis vendidos do país.
Capercaillie compóñeno algúns dos músicos célticos máis solicitados do mundo. A vocalista principal Karen Matheson -posuidora dunha “garganta tocada por Deus”, segúndo dixo Sean Connery- está considerada como unha das máis finas cantantes escocesas, tendo ampliado os seu rexistros nunha serie de álbums en solitario e tamén en colaboracións a nivel mundial.
Ademais de participar en concertos como o Transatlantic Sessions, ou levar a dirección artística do Celtic Connections de Glasgow, Donald Shaw (acordeón, teclados) é continuamente requirido coma produtor e compositor.
Charlie McKerron, o violinista da banda da costa leste, tamén é recoñecido polas súas habilidades compositivas e proxectos paralelos, incluído o seu papel como violinista no supergrupo Session A9.
De procedencia irlandesa gaeltachd, o guitarrista Manus Lunny é o eixe rítmico da banda dende a súa gravación seminal Sidewaulk, e ademais de escribir e xirar coa banda, dedica gran parte do seu tempo a colaboracións no seu estudo de Donegal.
O extraordinario frautista Michael McGoldrick, considerado como o sucesor do icónico Matt Molloy, dedicou gran parte dos últimos anos a percorrer o mundo como membro da banda de Mark Knopfler; e a sección rítmica: o baixo Ewen Vernal (ex Deacon Blue), o baterista Che Beresford e o percusionista David Robertson, encarnan a síntese perfecta de enerxía e sensibilidade nos seus espectáculos en vivo.
O Intercéltico do Morrazo, que terá lugar entre o 26 e o 28 de xullo, confirmou xa a presenza de Plantec, Project Smok, Xabier Díaz e Budiño.
Guía completa con todo lo que debes saber para vivir uno de los grandes eventos del año en Vigo, los Fuegos de Bouzas 2025
Una de las fiestas destacadas de Galicia junta a las orquestas más top. Panorama, Olympus, El Combo y París de Noia en una semana de verbenas
El Festival N2, completamente gratuito, ya tiene fecha y también parte de los artistas que se subirán al escenario del evento
El festival transfronterizo finaliza este domingo con el saxofonista español Perico Sambeat, una de las figuras más destacadas del jazz
Supón un fito no eido da acuicultura sustentable e podería reducir a dependencia dos bancos naturais
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL