Chola ensina en Tomiño como ser unha influencer do rural

“Chola, a It Girl” chega este sábado ao Auditorio de Goián, en Tomiño. Este show en formato televisivo con moito humor, moita música e moitas sorpresas que xa conquistou a públicos de diferentes lugares como Tui ou Vigo poderase ver este 9 de novembro ás 22:00 horas no espazo cultural tomiñés.

O espectáculo que protagoniza Laura Villaverde ten todo. Haberá proxeccións de videomapping, desafíos en vivo, consellos automobilísticos e toda unha garantía de gargalladas aseguradas. A modernidade “urbanita” levada ao mundo enxebre. Esa mestura é unha das razóns do éxito deste show que xa leva dous anos xirando por diferentes espazos da xeografía galega.

Másnoticias

La villa medieval del área de Vigo que promete un evento "inolvidable" en el encendido de su Navidad

22/11/2025

El PP de Tui denuncia "irregularidades" en un contrato de conservación del antiguo Teatro Principal

19/11/2025

O espectáculo xira arredor de Chola, unha mecánica cunha canle de Youtube contratada por un teatro para realizar o seu primeiro tutorial en directo no que revelará en dez sinxelos pasos como converterse nunha verdadeira “ir girl” rectificada, convertendo o rural e o auténtico en tendencia. Será un show no que poderemos degustar o bo humor, a tradición e a identidade galega.

As entradas terán un prezo de 3 euros e poderán comprarse na billeteira do Auditorio de Goián unha hora antes da función.