Concertos, xogos e espectáculos gratis para celebrar as Letras Galegas en Nigrán

O Concello de Nigrán inicia esta fin de semana unha programación especial de maio adicada a conmemorar as Letras Galegas. Así, como en anteriores edicións, o muíño de Porto do Molle será un dos principais escenarios cun concerto este sábado 16 ás 20:00 horas da banda Zanfona ETRAD Ensemble, dirixida polo mestre titular Anxo Pintos e conformada por unha vintena de zanfonistas (a máis grande de España), estes tocarán repertorio tradicional galego vocal e instrumental e outro tipo de melodías de diferentes folclores.

No propio día das Letras Galegas, o domingo 17, a comisión de festas do Torreiro de Priegue e o Concello organizan unha xornada completa de exaltación da nosa lingua e cultura con música ao vivo desde as 11:00 horas, zona de cantina para comer, xogos populares a partir das 16:00 horas e ás 18:00 horas actuación de Ardentía.

Másnoticias

Cócteles, tapas exclusivas y conciertos, descubre el nuevo festival gastronómico que nace en Nigrán

20/07/2026

De 5 a 83 años, 500 nadadores se ponen a prueba en las aguas de Praia América, en Nigrán

19/07/2026

• Te puede interesar: Denuncian en Vigo "censura" da Xunta por "eliminar" a estrela na bandeira do seu cartel das Letras Galegas

Adicionalmente, tamén o domingo 17 a Coral Novos Aires de Nigrán ofrecerá o seu tradicional concerto das Letras acompañada da Coral Polifónica Amadeus (Vilagarcía de Arousa) a partir das 19:00 horas no Auditorio Municipal.

A programación continúa o sábado 23 ás 20:00 horas no Muíño de Porto do Molle coa actuación da banda de gaitas da ETRAD, dirixida polo mestre titular Xaquín Xesteira.

Finalmente, o domingo 7 de xuño terá lugar o espectáculo familiar de música e narración oral ‘As mil e unha’, de Vero Rilo e Luis Iglesias en homenaxe a Begoña Caamaño (12:00 horas, Auditorio Municipal). “Fixemos unha programación para todos os públicos pensada para exaltar a nosa lingua e, ao mesmo tempo, para dar a coñecer á infancia a figura de Begoña Caamaño”, explica o alcalde, Juan González.