O MARCO de Vigo abre as súas portas á loita obreira de Teis

Despois de tres intervencións artísticas nas rúas de Vigo, o proxecto “Vigo Rebelde, o metal en loita” presenta as súas conclusións nunha exposición participativa no MARCO de Vigo. A mostra, que poderá visitarse entre hoxe, 18 de agosto, e o 18 de setembro, amosará os resultados das iniciativas levada a cabo entre xullo e agosto xunto coa veciñanza de Teis.

A derradeira intervención tivo lugar no Monte da Guía, cunha exposición fotográfica sobre o pasado obreiro de Teis. A primeira consistiu nun mapexo colectivo e participativo, celebrado no Mercado de Abastos de Teis. Namentres que a segunda traduciuse nun roteiro que percorreu os principais puntos do movemento obreiro dos 70, pasando por Vulcano ou a empacadora, en Guixar.

Másnoticias

Iago Aspas estalla contra los horarios de la Liga: el Valladolid - Celta, también a las 14:00 horas

Ya hay ubicación para la estatua de Iago Aspas en Vigo, Caballero desvela dónde estará

07/11/2025

El TSXG determina que no es motivo de despido el "no" de un trabajador a pasar de fijo continuo a discontinuo

El TSXG ratifica la condena a un hombre por abusar de una mujer dormida en Vigo

07/11/2025

Seguindo os pasos previos do proxecto de empoderación cidadá, a inauguración da mostra comezará cunha saída colectiva dende O Sereo este venres, 18 de agosto, ás 19:00 horas, para chegar ao ao Salón do Marco, onde se poderá desfrutar da exposición con entrada gratuíta.

A mostra, coordinada polo comisario do MARCO Fran Quiroga, está dirixida por Adela Vázquez xunto cun equipo formado por Fran García Fernández, Diego Lores, Xavier Dapena, Manuel Gil, María Ríos, Fon Cortizo, Cristina García, Nuria Barreras, Rita Bouby, María Pose, María Isabel Blanco, Benito Santos, Xenoveva Cordeiro, Basilio Aragón, Eduardo García, Plan Comunitario de Teis, Asociación de Veciños de Teis, Asociación Xaruma.

Un proxecto transformador e integrador

O proxecto “Vigo Rebelde, o metal en loita” forma parte da iniciativa BIComún, que une os conceptos de BIC –os Bens de Interese Cultural- e o procomún – os bens que pertencen a todos, que herdamos, creamos conxuntamente e que queremos entregar ás xeracións futuras-. Deste xeito, faise referencia á necesidade de protexer, dinamizar os elementos patrimoniais vencellados ao espazo público. Trátase tamén de crear un novo modelo de xestión social dos bens culturais noso territorio.