A Guarda saborea "Petiscos con arte" nas fins de semana

Vigo e a súa área metropolitana son sempre unha festa gastronómica. Non hai tregua. Ademáis de Pinchorriño ou O Petisquiño, os 'foodies' e amantes do bo comer teñen unha nova cita en A Guarda. O concello do Baixo Miño organiza para as dúas últimas fins de semana deste mes o certame "Petiscos con Arte", un percorrido gastronómico no que cada establecemento ofrecerá unha tapa por un prezo de 1,50 euros.

Másnoticias

Descubre la receta "secreta" de filloas en una gran fiesta gastronómica en el área de Vigo

16/05/2025

Diez planazos en Vigo y área con fiestas, conciertos, mercadillo o verbena para vivir un finde único

16/05/2025

A finalidade da ruta "Petiscos con arte" é promocionar a gastronomía e a arte en A Guarda, polo que as persoas participantes poderán degustar petiscos mentres contemplan as obras de pintura, escultura, e fotografía expostas nos establecementos.

O evento gastronómico "Petiscos con arte" consta dun total de 15 cafeterías e restaurantes guardeses e outros tantos artistas locais ou con vincuación ao concello de A Guarda. Este son a cafetería Alameda, con fotografías de Eva Peixoto; a cafetería Art Café, con fotografías de Carlos Pascual; a cafetería e tasca As Pozas, con exposición fotográfica de Iago Alonso; a vinoteca Avenida, cunha mostra pictórica de Elena Cividanes; a bocatería Brétema, con escultura de Carlos Carrera; o bar Cramoeiro, con pinturas de Silvia Represas; a cafetaría Kanella's, con fotografías de Eva García; a cervexaría La Casilla, cunha mostra pictórica de Lucía Baz; o restaurante La Pizzicata, con fotografías de José C. Castro; a bocatería Marella, coas pinturas de Naa Martínez; a cafetaría Novo Bar, con esculturas de Anxo Ferreira; o restaurante O Cangrexal, con pintura de Teresa Dorado; o bar Terra Verde, cunha exposición fotográfica de Anxo Vaquero; o restaurante Xantar, cunha mostra pictórica de Mercedes Doval; e o restaurante Xeito, con punturas de Charo Trigo.

Datas e horarios de "Petiscos con arte"

"Petiscos con arte" terá lugar os días 17, 18, 19, 24, 25 e 26 de novembro en horario de mañá (12:00 a 14:00 horas) e de tarde (18:00 a 21:00 horas).

Os comensales que degusten os petiscos entrarán no sorteo de cinco lotes de albariño Gran Novás.

Nesta ruta colabora a Adega Gran Novas, participante na Festa da Langosta e da Cociña Mariñeira, que cederá 5 lotes de viño albariño para sortear entre os participantes na ruta que degusten o petisco e cumprimenten o boleto do sorteo.