O Festival Internacional de Instrumentos de Tecla –Ikfem– consolídase na Eurocidade de Tui-Valença como elemento de unión da poboación dos dous lados do Miño cumprindo xa cinco anos e, para celebralo, este ano sae por primeira vez á rúa cun destacado concerto inaugural.
Co escenario da Vella Ponte Internacional de Tui como icónica imaxe de unión da Raia, o festival tudense arrancará o venres 21 de xullo ás 21:00 horas da man do grupo de indie-pop Best Boy. Xa ás 22:00 horas a música de piano encherá as ribeiras do Miño con Abe Rábade e Javier Otero para 45 minutos máis tarde ofrecer un espectacular concerto con 10 pianos soando simultaneamente.
O Festival, que conta co apoio do Concello de Tui e da Cámara Municipal de Valença, celebra os seus cinco anos de historia potenciando “a riqueza cultural que existe entre os dous pobos –galego e portugués-“, segundo apuntou o alcalde tudense, Enrique Cabaleiro, durante a presentación desta mañá, e por iso estará presente nas dúas vilas fronteirizas.
A súa directora, Andrea González, lembrou iso si, que o festival continuará “cos instrumentos de tecla como fío condutor” xa que, dentro dos festivais en Galicia, o Ikfem é referencia neste campo. Deste xeito, as diferentes masterclass e obradoiros con profesionais de renome internacional celebraranse xunto a concertos na Fortaleza de Valença, na Catedral de Tui e na igrexa de San Domingos.
Cinco días dun festival que rematarán o domingo ás 22:00 horas na Igrexa de San Domingos de Tui cun recital ibero-americano a cargo de Carlos César Rodríguez.
Samir, dueño del Mimassa, convoca a una "gran fiesta" este domingo en la terraza de Areal para "brindar y levantar las banderas palestinas"
Este parque hinchable desembarca este fin de semana en Marín donde abrirá con estos horarios tanto el sábado como el domingo
La plaza Vialia Vigo acoge una fiesta del running con Érguete e Corre, la prueba solidaria que rendirá tributo a "las madres contra la droga"
Continúa el ciclo de cine "Activistas: cinema por mulleres" en Vigo. La próxima sesión abordará la realidad de Portugal
A Facultade de Ciencias Empresariais e Turismo acolle esta semana o seu lanzamento - En TourisFarm participan socios de cinco países
Puedes encontrarnos en nuestras redes sociales o, si lo prefieres, ponerte en contacto con nosotros a través de [email protected]
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL